I Vaticani mu gihugu cy'ubutariyani,ku munsi w'ejo,kuwa mbere tariki ya 23 Gicurasi 2016,umushumba wa kiriziya gaturika Papa Francis,yagiranye umubonano mu ibanga na imamu w'idini ya Isilamu uyobora umusigiti w'i Cairo, umurwa mukuru w'igihugu cya Misiri, Sheik Ahmed el-Tayyib.

 

By Umutoni Solange | Views : 8736 | Kuya 05-24-2016 07:42



Nyuma y'uyu mubonano wabaye mu ibanga,hagati y'umushumba wa kiriziya gaturika Papa Francis na imamu w'idini ya Isilamu uyobora umusigiti w'i Cairo mu murwa mukuru w'igihugu cya Misiri,Sheik Ahmed el-Tayyib,Vaticani yahise itangaza ko aba bayobozi bombi bagiranye ibiganiro by'ingirakamaro.

Ubwo Papa Francis yatorerwaga kuba umushumba wa kiriziya gaturika,Sheik Ahmed el-Tayyib yamushimiye ikizere yagiriwe avuga ko bitanga ikizere ko hagiye kugaruka umubano mwiza hagati y'amadini yombi.

Nyuma y'uyu mubonano,Papa Francis yahise atangaza ko icyihutirwa mubyo agiye gukora ari ukugarura ubwumvikane hagati y’idini ya Isilamu na kiriziya gaturika.

Uyu mubonano ubaye hari hashize imyaka 5 Kiriziya Gaturika n'abayobozi bo mu musigiti wa Al –Azhar mu gihugu cya Misiri badacana uwaka, nyuma yaho Papa Benedigito wa 16 wahoze ayoboye kiriziya gaturika atangarije mu mwaka w’i 2006 ko idini rya Isilamu rirangwa n’ubwicanyi, ko ryica abo mu idini ry’abakirisitu.


Amazina
E-mail
Igitekerezo
 
 








Copyright © 2015 umurashi.rw | Desinged by Giganet Web Developers.Ltd