Muri Leta Zunze ubumwe za Amerika,abakandida 2 bahanganye ku mwanya wa Perezida,Donald Trump na Hillary Clinton banikiye bagenzi babo mu majwi.

 

By Muhire Norbert | Views : 13020 | Kuya 03-02-2016 10:44



Kuri uyu wa kabiri tariki ya 01 Werurwe,bise uwa kabiri udasanzwe,mu majwi ya mbere yabaruwe, Hillary Clinton umugore w’uwahoze ayobora Leta zunze ubumwe za Amerika Bill Clinton niwe uri ku isonga mu ba Demokarate.

Amakuru dukesha Radio mpuzamahanga y'Abafaransa aravuga ko Ibikomeje kuvugwa mu itangazamakuru ryo muri Leta zunze ubumwe za Amerika, ni uko kandi Donald Trump ariwe uza ku mwanya wa mbere mu bakandida b’aba repubulika.

                                                       Hillary Clinton na Donald Trump

Ibyatangajwe bwanyuma by’agateganyo ni uko Hillary Clinton yatsinze muri leta 7 ,muri Massachusetts,Alabama,Tennessee,Texas,Arkansas,Georgie no muri Virginie.

 Hillary Clinton yanikiye mugenzi we Bernie Sanders,mu gihe Donald Trump yanikiye bagenzi be bagera kuri 5 muri leta ya Arkansas,Géorgie,Virginie,Alabama,Massachusetts,Tennessee na  Vermont.

Abinyujije ku rukuta rwe rwa Twitter, Donald Trump akaba yahise ashimira abaturage bo muri leta ya Alabama.




Amazina
E-mail
Igitekerezo
 
 








Copyright © 2015 umurashi.rw | Desinged by Giganet Web Developers.Ltd