Ku munsi w'ejo kuwa mbere tariki ya 25 Nyakanga 2016, muri leta zunze ubumwe z'Amerika i Philadelphie habereye amasezerano hagati y'abayoboke b'ishyaka ry'abademokarate, Michelle Obama na Bernie Sanders bemeza ko bashyigikiye Hillary Clinton mu matora y'umukuru w'igihugu ateganyijwe.

 

By Umutoni Solange | Views : 124131 | Kuya 07-26-2016 08:14



Ku munsi wa mbere w'iri huriro i Philadelphie, ryitabiriwe n'abagore 3 b'ibyamamare muri leta zunze ubumwe z'Amerika n'abayoboke b'ishyaka bagera ku bihumbi bitanu.

Muri aba bagore b'ibyamamare harimo, umunyarwenya Eva Longoria, Elizabeth Warren, umusenateri muri Massachusetts na Michelle Obama, umugore wa Perezida Barack Obama.

Aba bagore b'ibyamamare bose uko ari 3 bitabiriye iri huriro mu rwego rwo kugaragaza ko bashyigikiye Hillary Clinton ku mwanya w'umukuru w'igihugu.

                     Michelle Obama, ati : " Mu matora ndi kumwe na Hillary Clinton "

Michelle Obama, umugore wa Perezida Barack Obama yagize ati : " Muri aya matora ndi kumwe nawe, Abakobwa bacu n'abana bacu bazabona ko bishoboka ko umugore yaba Perezida wa leta zunze ubumwe z'Amerika".

Bernie Sanders, wakomeje guhangana na Hillary Clinton kugirango barebe uwakwegukana umwanya wo guhagararira ishyaka ryabo ry'abademokarate mu matora y'umukuru w'igihugu, yeruye agira ati : " Hillary Clinton azaba umuperezida w'umugore udasanzwe, mfite ishema ryo kuba inyuma ye kuri uyu mugoroba".

Bernie Sanders, ati : " Mfite ishema ryo kuba inyuma ya Hillary Clinton kuri uyu mugoroba "

Bitegerejwe ko muri iri huriro, kuri uyu wa kabiri tariki ya 26 Nyakanga 2016, hari bwumvwe ijambo rya Bill Clinton wahoze ayobora leta zunze ubumwe z'Amerika.


Amazina
E-mail
Igitekerezo
 
 








Copyright © 2015 umurashi.rw | Desinged by Giganet Web Developers.Ltd