Nyuma y’aho hapfiriye abirabura babiri barashwe n’abapolisi muri leta ya Louisiana na Minnesota bigakurikirwa n' ubundi bwicanyi bwakorewe abapolisi batanu muri reta ya Texas, Perezida wa leta zunze ubumwe z'Amerika Barack Obama yayoboye ibiganiro bigamije kugarura umwuka mwiza ku mpande zose.

 

By Umutoni Solange | Views : 8736 | Kuya 07-14-2016 07:54



Ku mugoroba w'ejo kuwa gatatu tariki ya 13 Nyakanga 2016, Perezida wa leta zunze ubumwe z'Amerika Barack Obama mu ngoro y'igihugu, White House, yayoboye ibiganiro bigamije guhanahana ibitekerezo by'uko barinda abenegihugu n'uko bagarura kwizerana n'umubano mwiza hagati y'abanyagihugu n'abatuye Amerika bose.

Iyi nama yari yitabiriwe n'umunyamategeko wa Amerika Loretta Lynch, Guverineri wa leta ya Louisiana John Bel Edwards, Umukuru w'umujyi wa Los Angeles, Eric Garcetti, abayobozi ba Polisi mu mijyi ikomeye, abahagarariye ishyirahamwe ry'abirabura rya Black Lives hamwe n’abayobozi b'insengero.

Icyerekezo cya Perezida Obama muri iyi nama nkuko yabitangaje, kwari ukugirango abantu bafite ibitekerezo bitandukanye babihurize hamwe mu gushaka umuti. 

Perezida Obama yavuze ko guhagarika ubwicanyi bitakorwa mu ijoro rimwe kuko imizi yabwo imaze imyaka ibarurirwa mu majana itarandurwa.

Ku rubuga rwe rwa facebook, Obama yasabye abanyamerika bose gutanga igisubizo batekereza ku cyakorwa kugirango ubwicanyi bubera mu gihugu buhagarare.

Mu ijoro ryo kuwa kane tariki ya 07 rishyira kuwa gatanu tariki ya 08 Nyakanga 2016, Abapolisi 5 barishwe abandi benshi barakomereka barashwe n'abantu bitwaje intwaro mu mujyi wa Dallas muri leta ya Texas.

Mbere yaho gato, kuwa gatatu no kuwa kane, hari hapfuye abirabura 2 bishwe barashwe n’abapolisi, muri leta ya Louisiana n'iya Minnesota.

        USA : Gushyamirana kw'abirabura n'abazungu bikomeje guteza impagarara


Amazina
E-mail
Igitekerezo
 
 








Copyright © 2015 umurashi.rw | Desinged by Giganet Web Developers.Ltd