Muri raporo yasohotse kuwa kabiri tariki ya 21 gashyantare 2017, ishami ry'umuryango w'abibumbye ryita ku buzima bw'abana UNICEF, ryihanangirije cyane cyane imitwe yitwaje intwaro muri repubulika iharanira demokarasi ya congo ku ishyirwa ry'abana mu gisirikare.

 

By Idrissa Katumbi | Views : 11151 | Kuya 02-22-2017 13:36



Imitwe yashyizwe cyane cyane mu majwi mu kwinjiza abana mu gisirikare, ni imitwe yitwaje intwaro iri mu ntara ya Kasaï, Kasaï-Central, Kasaï-Oriental no muri Tanganyika. 

Umuyobozi ushinzwe itumanaho mu muryango UNICEF muri repubulika iharanira demokarasi ya congo, Yves Willmot, yageneye ubutumwa imitwe yitwaje intwaro bugira buti:

" turasaba imitwe yitwaje intwaro, kuri ubu igikoresha abana, guhagarika ibi bikorwa, ni ibintu bituraje ishinga, kugirango twirinde ingaruka mbi ku mikurire n'imitekerereze y'abana, abana bafite uburenganzira bwabo mu gukurikirana amasomo n'uburere".

Umuryango UNICEF uributsa abinjiza abana mu gisirikare ko hari amategeko yo ku rwego mpuzamahanga abahana, kandi ababirenzeho bahanwa no mu rukiko mpuzamahanga mpanabyaha. 

Umuryango UNICEF uvuga ko umwaka ushize abana bagera ku 65 000 ku isi bakuwe mu gisirikare, muri abo, abarenga 20 000 bakaba ari abakuwe mu mirimo y'igisirikare muri repubulika iharanira demokarasi ya congo. 


Amazina
E-mail
Igitekerezo
 
 








Copyright © 2015 umurashi.rw | Desinged by Giganet Web Developers.Ltd