Abou Mohammed al-Adnani, umuvugizi wa leta ya kisilamu mu gihugu cya Siriya, yiciwe muri Siriya mu ntara ya Alep.

 

By Umutoni Solange | Views : 7812 | Kuya 08-31-2016 12:12



Ku munsi w'ejo kuwa kabiri tariki ya 30 kanama 2016, nibwo leta ya kisilamu yatangaje ko umuvugizi wayo muri Siriya, Abou Mohammed al-Adnani, yishwe.

Mu butumwa leta ya kiyisilamu yanyujije mu rwego rwayo ruyikorera icengezamatwara rwa Amaq, yagize iti :" Nyuma y'urugendo rurerure rwo kwitanga, cheikh Abou Mohammed al-Adnani, agiye mu ntwari zitangiye Isilamu kuko yarwanyije abanzi b'Imana".

Ubu butumwa bukomeza buvuga ko cheikh Abou Mohammed al-Adnani, yapfiriye mu ntara ya Alep, azize ibitero bya gisirikare.

Leta ya kisilamu yirinze gutangaza umunsi n'uburwo bwaba bwarahitanye cheikh Abou Mohammed al-Adnani.

Ku mugoroba w'ejo, umuvugizi wa Pentagone, ibiro by'igisirikare cya leta zunze ubumwe z'Amerika, Peter Cook yemeje ko umutwe w'ingabo mpuzamahanga zirwanya abajihadisite, mu gitero zagabye muri Siriya mu gace ka Alep, zahitanye Abou Mohammed al-Adnani, ufatwa nk'umwe mu bayobozi b'umutwe wa leta ya kiyisilamu.

Abou Mohammed al-Adnani,usibye kuyobora no kuba umuvugizi w'uyu mutwe wa leta ya kiyisilamu, yagiye anagira uruhare rukomeye mu gushakira abayoboke uyu mutwe.


Amazina
E-mail
Igitekerezo
 
 








Copyright © 2015 umurashi.rw | Desinged by Giganet Web Developers.Ltd