Umukambwe John Ridsdel umunyacanada wari warafatiwe bugwate muri Philippines n’umutwe w’intagondwa yishwe aciwe umutwe.

 

By Umutoni Solange | Views : 150528 | Kuya 04-26-2016 09:20



Ministiri w’Intebe wa Canada Justin Trudeau yemeje ko umunyakanada wari warafashwe bugwate n’umutwe w’intagondwa mu gihugu cya Philippines yishwe aciwe umutwe.

Trudeau yamaganye urupfu rw’umukambwe John Ridsdel wari umaze igihe kigera ku mwaka ari mu maboko y’izo ntagondwa zari zasabye miliyoni 21 z’amadolari kugirango zimurekure.

                         John Ridsdel wishwe

Ridsdel yafatanwe n’undi munyacanada n’umunyanorvege mu kirwa cya Mindanao, agace kayoborwa n’intagondwa ziyita Abu Sayyaf.

Ministiri w’Intebe Trudeau yemeje urupfu rwa Ridsdel, amasaha make polisi yahitwa Jolo imaze gutangaza ko abantu babiri bari ku mapikipiki bataye ishashi y’umutwe wa nyakwingendera. Nta makuru mashya ku bandi bantu babiri bafatanwe na Ridsdel.

            Ministiri w’Intebe wa Canada Justin Trudeau

Mu ntangiriro z’uku kwezi ingabo za leta zagerageje kujya kubohora izo mbohe, ariko zirananirwa.

Umutwe wa Abu Sayyaf wavutse mu mwaka wa 1994, ukaba uterwa inkunga na al-Qaida.



Amazina
E-mail
Igitekerezo