Muri Irak,nyuma y'aho Indege z'Abanyamerika zimaze iminsi zirasa ahari ububiko bw'intwaro z'ubumara by'umutwe wa Leta ya Kisiramu,état islamique, batangaje ko umwe mu bahanga mu gukora izi ntwaro z'ubumara yaba yatawe muri yombi.

 

By Muhire Norbert | Views : 22449 | Kuya 03-10-2016 15:12



Amakuru y'iri tabwa muri yombi ry'uyu mugabo w'umuhanga mu gokora intwaro z'ubumara Sleiman Daoud al-Afari,yatangajwe na televiziyo ya CNN y'Abanyamerika ariko urwego rw'igisirikare rwa leta zunze ubumwe za Amerika Pentagone ntiruragira icyo ruvuga kuri iri fatwa ry'uyu mugabo wo mu mutwe wa état islamique.

                              Ingabo za Irak zirwanya leta ya kisiramu

Sleiman Daoud al-Afari umuhanga mu gukora intwaro z'uburozi,afite ubwenegihugu bwa Irak,akaba yarahoze akora mu rwego rwa gisirikare kwa Saddam Hussein mbere y'uko ajya mu mutwe wa leta ya kisiramu.

Nyuma yaho iyi televiziyo ya CNN y'Abanyamerika itangarije aya makuru,Sky News chaine ya televiziyo y'Abongereza yo yatangaje kuri uyu wa Gatatu tariki ya 09, ko bafite impapuro zirimo amazina y'abantu bagera ku 22.000 b'abayoboke b'umutwe wa leta ya kisiramu.

                            Urutonde rw'abayoboke ba leta ya kisiramu

Sky News ikomeza guhamya aya makuru ivuga ko uwari umuyoboke w'umutwe wa état islamique akaza kuwuvamo ariwe wabazaniye kuri televiziyo flash disk yibwe umupolisi wo muri uyu mutwe iriho urutonde rw'abayoboke babo harimo amazina,aho baherereye na numero za telefoni,aho baturuka mu bihugu bigera kuri 55.

Sky News ikomeza ivuga ko benshi muri aba bayoboke baturuka mu burayi bw'iburengerazuba,muri leta zunze ubumwe za Amerika,Canada,mu bihugu by'Abarabu no muri Asie y'iburasirazuba.



Amazina
E-mail
Igitekerezo
 
 








Copyright © 2015 umurashi.rw | Desinged by Giganet Web Developers.Ltd