Kuri uyu wa kane tariki ya 18 Gashyantare 2016 umunsi mu gihugu cy'ubugande baramukiye mu matora y'umukuru w'igihugu n'ay'abagize inteko ishingamategeko umutwe w'abadepute,ishyaka FDC ry' umukandida utavuga rumwe n'ubutegetsi bwa Perezida,ryatangaje ko umukandida waryo Kizza Besigye  yafashwe akaba yanaburiwe irengero.

 

By Ubwanditsi | Views : 13524 | Kuya 02-18-2016 17:50



Ribinyujije ku rubuga rwaryo rwa Twitter,ishyaka FDC rya Dr.Kizza Besigye ryatangaje ko umukandida waryo ku mwanya w'abahatanira kuyobora igihugu cya Uganda kuri uyu wa kane tariki ya 18 yafashwe akaba yanaburiwe irengero.

Amakuru umurashi ukesha umunyamakuru wa Jeune afrique uri mu gihugu cy'ubugande aravuga ko ishyaka FDC rya Dr.Kizza Besigye ryemeje ko umukandida waryo yafashwe akaba yanabuze ubwo bari bari mu matora y'umukuru w'igihugu n'ay'abagize inteko ishingamategeko umutwe w'abadepute.

                                              Abagande baramukiye mu matora

Andi makuru aturuka mu gihugu cy'ubugande yatangajwe na Radio mpuzamahanga y'Abafaransa aravuga ko aya matora yabaye muri iki gihugu yaranzwe no kutubahiriza amasaha kuko yagombaga gutangira isa moya za mugitondo,hakaba hari aho yatangiye nyuma ya sa mbiri bitewe no gukererwa kw'ibikoresho by'amatora.

Ibiro by'amatora byari byitezwe ko kuva isa kumi n'ebyiri za mugitondo byagombaga kuba byafunguwe ariko siko byagenze kuko byakererewe bitewe no kwikanga ko kaza kubaho imvururu.

kuri uyu wa 18 Gashyantare 2016 nibwo abagande baramukiye mu gikorwa cy'amatora y'umukuru w'igihugu n'ay'abagize inteko ishingamategeko aho abasaga miliyoni 15 bagombaga gutora.


Amazina
E-mail
Igitekerezo
 
 








Copyright © 2015 umurashi.rw | Desinged by Giganet Web Developers.Ltd