Mu gihe akanama k'umutekano kari kacyibaza niba kafatira embarigo y'intwaro igihugu cya Sudan y'Amajyepfo, raporo y'impuguke irerekana ko intwaro zavuye mu burayi bw'uburasirazuba no mu gihugu cya Israël zikanyuzwa mu gihugu cya Uganda no muri Sénégal, nyuma zikoherezwa muri Sudan y'amajyepfo mu ruhande rw'abatavuga rumwe n'ubutegetsi bashyigikiye Riek Machar.

 

By Muhire Norbert | Views : 6048 | Kuya 10-21-2016 11:21



Mu kwezi kwa kanama 2016, imirwano ikaze hamwe n'ingabo za leta, yatumye abarwanyi ba Riek Machar utavuga rumwe n'ubutegetsi bahungira muri repubulika iharanira demokarasi ya Congo.

Ubutumwa bw'umuryango w'abibumbye (ONU) muri icyi gihugu cya DRC, bwari ubwo kwaka aba barwanyi ba Riek Machar intwaro, mu kuzigenzura, basanze numero ziziranga ari zimwe.

Izi mpuguke z'umuryango w'abibumbye zavuze ko zasanze ari ububiko bw'intwaro zaguzwe na Minisiteri y'ingabo ya Uganda mu gihugu cya Israël mu mwaka wa 2007, izi ntwaro akaba arizo zohererejwe ingabo za leta ya Sudan y'Amajyepfo zigashyikirizwa abashyigikiye Riek Machar.

Igihugu cya Espagne cyabwiye akanama k'umutekano ko Riek Machar yaguze intwaro zikomeye ku masoko atemewe mu burayi bw'iburasirazuba abifashijwemo na sénégal.

Iyi raporo ivuga ko mu mwaka wa 2014, imbunda 4000, zaguzwe muri entreprise yo muri Burgariya zikajyanwa mu bugande, nyuma izi ntwaro zikoherezwa muri Sudan y'Amajyepfo.

Iyi raporo ikaba yateye impaka niba hagomba kubaho embarigo y'intwaro ku gihugu cya Sudan y'Amajyepfo.


Amazina
E-mail
Igitekerezo