Igisirikare cya Uganda cyatangaje ku cyumweru tariki ya 13 ugushyingo 2016, ko Sultani Makenga akiri I Kampala, mu gihe ubuyobozi bwa leta ya Congo Kinshasa bwavuze ko uyu mugabo wahoze ari mu bayobozi bakuru b’umutwe wa M23 yaba yaraburiwe irengero.

 

By Idrissa Katumbi | Views : 6153 | Kuya 11-15-2016 11:28



Julien Paluku, Guverineri w’intara ya Kivu y’amajyaruguru muri repubulika iharanira demokarasi ya Congo, aganira naJeune Afrique, kuri uyu wa mbere tariki ya 14 ugushyingo 2016, yavuze ko afite amakuru yizewe ko Sultani Makenga atakiri I Kampala, bakaba bataramenya aho yaba aherereye.

Guverineri Julien Paluku, yagize ati:” namenyeshejwe ko Sultani Makenga yaburiwe irengero, nahamagaye ambasaderi wa Uganda I Kinshasa, James Kinobe kugirango ngire byinshi menya. Nyuma yo kubigenzura ku nzego za Uganda zishinzwe iperereza, yarampamagaye yemeza aya makuru”.

Nyuma yo kubinyemerera nahise mbishyira ku rubuga nkoranya mbaga rwa twitter kugirango mbimenyeshe buri wese.

Aya makuru yatumye mu ntara ya kivu y’amajyaruguru ingabo za Congo Kinshasa zikaza imikwabu mu duce twa Rutshuru aho bakomeje kwikanga abarwanyi ba Sultani Makenga wahoze ari umuyobozi mukuru w’abarwanyi b’umutwe wa M23.

Inzego z’umutekano za Congo Kinshasa zatangaje ko haba harabayeho gukozanyaho ahagana Sarambwe, ku mupaka na Uganda n’abantu bitwaje intwaro bikekwa ko baba ari abahoze ari abarwanyi bo mu mutwe wa M23.

Mu izina ry’igisirikare cya Uganda, colonel Paddy Ankunda, umuvugizi wa UPDF (Uganda people’s defence Force), yahakanye ibyo Guverineri wa Kivu y’amajyaruguru avuga ko yaba yarabwiwe na ambasaderi wabo I Kinshasa, ashimangira ko  Sultani Makenga akiri I Kampala kandi ko abahoze ari abarwanyi ba M23 bagicungiwe Bihanga mu kigo cya Gisirikare kiri mu burengerazuba bwa Uganda.

Colonel Paddy Ankunda ahakana kandi amakuru avuga ko haba harabayeho gukozanyaho ku mupaka wa Uganda na Congo.

Monusco yavuze ko nta mpungenge ko Sultani Makenga ari mu maboko y’ubuyobozi bwa Uganda akaba kandi ari iwe mu rugo I Kampala.

                   Kubera kwikanga Sultani Makenga, DRC bakajije imikwabu


Amazina
E-mail
Igitekerezo
 
 








Copyright © 2015 umurashi.rw | Desinged by Giganet Web Developers.Ltd