Imikino ihuza amakipe yo ku mugabane w'uburayi (Champions League) yaraye ibaye mu ijoro ryo kuwa kabiri tariki ya 13 rishyira kuwa gatatu tariki ya 14 Nzeli 2016, Paris Saint Germain yanganyije na Arsenal igitego 1 kuri 1, mu gihe Barcelona yihereranye  Celtic iyinyagira itayibabariye ibitego 7 kuri 0.

 

By Muhire Norbert | Views : 6510 | Kuya 09-14-2016 07:17



Paris Saint Germain yo mu gihugu cy'ubufaransa yakiriye Arsenal yo mu bwongereza iwayo Parc des Princes, rugikubita ku munota wa mbere Edinson Cavani aba atsindiye ikipe ye ya PSG igitego cya mbere.

Ku munota wa 78, mu gice cya kabiri,  Alexis Sanchez wa Arsenal yaje kugombora iki gitego, biba 1 kuri 1 ari nako uyu mukino waje kurangira, nubwo wagaragayemo amakosa ku mpande zombi, yaje no kuvamo ikarita itukura yahawe Marco Verratti wa PSG n'indi itukura yahawe Olivier Giroud wa Arsenal, bombi ku munota wa 90 w'umukino.

Barcelona muri Espagne yihereranye Celtic iyinyagira itayibabariye ibitego 7 kuri 0, harimo ibitego 3 bya Lionel Messi, ku munota wa 3, wa 27 n'uwa 60.

Ibindi bitego 4 bya Barcelona byatsinzwe na Neymar ku munota wa 50, Andres Iniesta ku munota wa 59, na Luis Suarez watsinze 2, ku munota wa 75 n'uwa 88.

Mu itsinda A:

Basel 1 - 1 Ludogorets Razgrad
Paris Saint Germain 1 - 1 Arsenal
Mu itsinda B:

Benfica 1 - 1 Besiktas

Dynamo Kyiv 1 - 2 SSC Napoli

Mu itsinda C:

Barcelona 7 - 0 Celtic

Manchester City ? - ? Borussia Moenchengladbach, umukino uba kuri uyu wa gatatu tariki ya 14 Nzeli 2016.

Mu itsinda D:

Bayern Munich 5 - 0 FC Rostov

PSV Eindhoven 0 - 1 Atletico Madrid

Mu itsinda E:

Bayer Leverkusen ? - ? CSKA Moscow

Tottenham Hotspur ? - ? Monaco

Mu itsinda F:

Legia Warszawa ? - ? Borussia Dortmund

Real Madrid ? - ? Sporting CP

Mu itsinda G:

Club Brugge ? - ? Leicester City

FC Porto ? - ? FC Koebenhavn

Mu itsinda H:

Juventus ? - ? Sevilla

Lyon ? - ? Dinamo Zagreb

Iyi mikino yo mu ma tsinda ya E,F,G na H, kimwe n'umukino wa Manchester City na Borussia Moenchengladbach, yose iraba kuri uyu wa gatatu tariki ya 14 Nzeli 2016, isa 20h45.


Amazina
E-mail
Igitekerezo
 
 








Copyright © 2015 umurashi.rw | Desinged by Giganet Web Developers.Ltd