Shampiyona y'igihugu mu mupira w'amaguru mu Bwongereza irakomeza kuri uyu wa gatandatu tariki ya 22 no ku cyumweru tariki ya 23 ukwakira 2016, umukino w'icyumweru ukomeye, Chelsea ku kibuga cyayo ikazakira Manchester United.

 

By Muhire Norbert | Views : 6678 | Kuya 10-21-2016 12:25



Chelsea ku kibuga cyayo Stamford Bridge, irakira Manchester United kuri icyi cyumweru tariki ya 23 ukwakira 2016 kuva isa kumi n'imwe z'umugoroba (17h00).

Uyu mukino uzasifurwa n'umwongereza Martin Atkinson.

Umutoza wa Chelsea Antonio Conte wahisemo kuzifashisha uburyo bwa 3-4-3 buherutse no kumufasha mu mukino wa shampiyona aherutsemo gutsindamo Leicester City ibitego 3 kuri 0, yahisemo kuzabanza mu kibuga, Thibaut Courtois, Cesar Azpilicueta, David Luiz, Gary Cahill, Victor Moses, Nemanja Matic, N'Golo Kante, Marcos Alonso, Willian, Diego Costa na Eden Hazard.

Ku ruhande rwa Manchester United, umutoza Jose Mourinho wahisemo kuzakinisha uburyo bwa 4-2-3-1, abasore azifashisha ku ikubitiro harimo Zlatan Ibrahimovic, Marcus Rashford, Marouane Fellaini, Anthony Martial, Paul Pogba, Ander Herrera, Daley Blind, Chris Smalling, Eric Bertrand Bailly, Antonio Valencia na David De Gea. 

Ku rutonde rw'agateganyo, Chelsea iza ku mwanya wa 5 n'amanota 16, mu gihe Manchester United iza ku mwanya wa 7 n'amanota 14.

Imihigo ni yose kuri buri ruhande, nyuma yo kugirana ibibazo by'ubwumvikane bucye n'umutoza Jose Mourinho, abakinnyi ba Chelsea bahize kumwerekera Stamford Bridge ko bashoboye.

Umutoza Jose Mourinho wavuye muri Chelsea atumvikana n'abakinnyi kugeza ubwo byamuviragamo gutsindwa imikino myinshi arashaka kwereka abakinnyi ba Chelsea ko ari umutoza w'igihangange.

       Chelsea vs Manchester United ku cyumweru Tariki ya 23 ukwakira 2016 isa 17h00

Indi mikino

Kuri uyu wa gatandatu tariki ya 22 ukwakira 2016 :

13h30 : AFC Bournemouth vs Tottenham Hotspur

16h00 : Arsenal vs Middlesbrough

             Burnley vs Everton

             Hull City vs Stoke City

             Leicester City vs Crystal Palace

            Swansea City vs Watford

            West Ham United vs Sunderland

18:30 : Liverpool vs West Bromwich Albion

Kuri icyi cyumweru tariki ya 23 ukwakira 2016 :

14:30 : Manchester City vs Southampton

17:00 : Chelsea vs Manchester United


Amazina
E-mail
Igitekerezo