Umukino 1 wa shampiyona w'umunsi wa 28 waraye ubaye mu gihugu cy'ubwongereza, Eden Hazard na Diego Costa nibo baraye bafashije Chelsea kubona amanota atatu nyuma yo gutsinda West Ham United ibitego 2 kuri 1, biha amahirwe iyi kipe yo kongera ikinyuranyo cy'amanota irusha izindi.

 

By Habumugisha Théoneste | Views : 5145 | Kuya 03-07-2017 08:52



West Ham United niyo yaraye yakirije Chelsea ku mugoroba wo kuwa mbere tariki ya 06 Werurwe 2017 kuva isa yine z'ijoro (22h00) kuri Olympic Stadium, umukino witabiriwe n'abantu 56984. 

Mbere y'uyu mukino, Chelsea niyo yari iyoboye urutonde rw'agateganyo rwa shampiyona y'ubwongereza mu mupira w'amaguru ikiciro cya mbere n'amanota 63 ikaba yarushaga iya kabiri amanota 7 mu gihe West Ham United yari ku mwanya wa 11 n'amanota 33. 

Ku munota wa 25 Eden Hazard yaje gutsindira Chelsea igitego cya mbere, kuwa 50 Diego Costa ashyiramo icya 2, igitego 1 rukumbi cya West Ham United cyaje kwinjizwa na Manuel Lanzini ku munota wa 90. 

Uyu mukino wayobowe n'umusifuzi w'umwongereza Andre Marriner, waranzwe no kutagaragaramo amakosa ku mpande zombi kuko hatanzwe ikarita 1 y'umuhondo yahawe Cesc Fabregas ku munota wa 45. 

Chelsea yongereye ikinyuranyo cy'amanota irusha izindi aho yahise igira 66 ikaba irusha iya 2 (Tottenham Hotspur) amanota 10.



Amazina
E-mail
Igitekerezo
 
 








Copyright © 2015 umurashi.rw | Desinged by Giganet Web Developers.Ltd