Nyuma y’imikino 16 ya shampiyona y’ikiciro cya mbere mu mupira w’amaguru mu gihugu cy’ubwongereza, Chelsea ikomeje kwanikira ikipe bikurikirana,  nyuma yaho Arsenal yayiryaga isataburenge itakarije umukino kuwa kabiri, Chelsea yo igatsinda.

 

By Habumugisha Théoneste | Views : 4956 | Kuya 12-15-2016 09:51



Mbere y’imikino y’umunsi wa 16, ikipe ya Chelsea yari iyoboye urutonde rw’agateganyo n’amanota 37 ikarusha Arsenal yayiryaga isataburenge umukino umwe uhwanye n’amanota 3.

Kuwa kabiri tariki ya 13 ukuboza 2016, Arsenal yabuze amanota 3 nyuma yo gutsindwa na Everton ibitego 2-1, Arsenal niyo yari yafunguye amazamu ku munota wa 20 ku gitego cyatsinzwe na Alexis Sanchez, Everton iza kukishyura ku munota wa 44 kigombowe na Seamus Coleman, iza kurenzaho n’ikindi ku munota wa 86 gitsinzwe na Ashley Williams.

Uku gutsindwa kwa Arsenal byaraye birushijeho guha Chelsea ubwisanzure, nyuma yaho mu ijoro ry’ejo kuwa gatatu tariki ya 14, yaraye itsinze Sunderland igitego 1-0, cyatsinzwe na Cesc Fàbrégas  ku munota wa 40 w’umukino.

            Cesc Fàbrégas yishimira igitego yatsinze Sunderland kuya 14 ukuboza 2016

Uko imikino yose y’umunsi wa 16 yagenze kuwa 2 no kuwa 3:

Nyuma y’umunsi wa 16, Chelsea iza ku mwanya wa 1 n’amanota 40, igakurikirwa ku mwanya 2 na Liverpool n’amanota 34 inganya na Arsenal iri ku mwanya wa 3, ku mwanya wa 4 hakaza Manchester City n’amanota 33 mu gihe ku mwanya wa 5 haza Tottenham Hostpur n’amanota 30.


Amazina
E-mail
Igitekerezo
 
 








Copyright © 2015 umurashi.rw | Desinged by Giganet Web Developers.Ltd