Ku munsi w’ejo kuwa mbere tariki ya 26 ukuboza 2016, imikino ya shampiyona mu mupira w’amaguru icyiciro cya mbere mu bwongereza yarakomeje, Chelsea, ManCity na Arsenal zabonye intsinzi, mu gihe Liverpool iri bwisobanure kuri uyu wa 2, izi kipe zose zikaba zikomeje gukurikirana.

 

By Habumugisha Théoneste | Views : 4641 | Kuya 12-27-2016 11:33



Chelsea ikomeje kuyobora urutonde rw’agateganyo n’ikinyuranyo cy’amanota menshi hamwe n’ibitego byinshi, ku munsi w’ejo yongeye kubona intsinzi y’ibitego 3-0, mu mukino yakinnye na AFC Bournemouth. 

Chelsea niyo yakiriye ku kibuga cyayo Stamford Bridge, igitego cyayo cya mbere gitsindwa na Pedro Rodriguez ku munota wa 24, icya kabiri ku munota wa 49 na Eden Hazard kuri Penaliti, Pedro Rodriguez aza gushyiramo icya nyuma ku munota wa 90. 

            Abakinnyi ba Chelsea bishimira igitego cyari gitsinzwe na Pedro Rodriguez

Manchester City yatsinze Hull City ibitego 3-0, mu gihe Arsenal yatsinze West Bromwich Albion igitego 1-0.

Kuri uyu wa kabiri tariki ya 27 ukuboza 2016, kuva isa moya na cumi n’itanu z’umugoroba (19h15), Liverpool irakira Stoke City, iramutse itsinze uyu mukino, iragira amanota 40 ihite isubira ku mwanya wa 2 wari wicayeho Manchester City.

Imikino yose yabaye n’isigaye y’umunsi wa 18, n’uko ikipe 5 za mbere zikurikirana:


Amazina
E-mail
Igitekerezo
 
 








Copyright © 2015 umurashi.rw | Desinged by Giganet Web Developers.Ltd