Nyuma y'uko ku munsi w'ejo kuwa kane tariki 29 Ukuboza 2016, Perezida Obama yategetse ko abadipolomate b’u Burusiya 35 bava mu gihugu n’inyubako ebyiri za kiriya gihugu ziri i New York na Maryland zigafungwa, mu gitondo cyo kuri uyu wa gatanu tariki ya 30 ukuboza 2016, Moscou nayo yatangaje ko yirukanye abadipolomate 35 ba leta zunze ubumwe z'Amerika ku butaka bwayo.

 

By Umutoni Solange | Views : 6951 | Kuya 12-30-2016 12:19



Itangazo rya Perezidansi ya leta zunze ubumwe z'Amerika ryo ku munsi w'ejo kuwa Kane tariki 29 Ukuboza 2016, Perezida Balack Obama yategetse ko abadipolomate b’u Burusiya 35 bava muri Amerika n’inyubako ebyiri z'icyi gihugu ziri i New York na Maryland zigafungwa.

Iri tangazo rikomeza rivuga ko u Burusiya bwavogereye inyungu z'Amerika bukanica nkana amahame n’imyitwarire mpuzamahanga aho rinagaragaza ko Leta Zunze Ubumwe z'Amerika zanafatiye ibihano inzego icyenda n’abantu ku giti cyabo bo mu nzego z’ubutasi bwo mu mahanga n’abo mu rwego rw’umutekano mu Burusiya n’ibigo bitatu byabahaga ibikoresho bakoreshaga.

Muri iri tangazo Perezida Obama yategetse ko abadipolomate n’imiryango yabo bategetswe kuba bavuye ku butaka bwa Amerika bitarenze amasaha 72.

Mu gitondo cyo kuri uyu wa Gatanu tariki ya 30 ukuboza 2016, Minisitiri w'igihugu cy'uburusiya ushinzwe ububanyi n'amahanga Sergueï Lavrov mu kiganiro kuri televiziyo yavuze ko batagomba kubyihorera gusa ko akebo kajya iwa mugarura.

Minisitiri Sergueï Lavrov, yasabye Perezida w'igihugu cye Vladimin Putin ko nabo abadipolomate 35 ba leta zunze ubumwe z'Amerika bakwirukanwa ku butaka bw'uburusiya, barimo 31 bo muri amdasade y'Amerika i Moscou, na 4 bo muri Consulat général y'Amerika ahitwa Saint-Pétersbourg"  mu majyaruguru y'iburengerazuba bw'igihugu cy'uburusiya. 

Minisitiri Lavrov yasabye kandi ko hahagarikwa ikoreshwa ry'amazu y'abadipolomate b'abanyamerika ari mu bice by'icyaro.

         Minisitiri w'igihugu cy'uburusiya ushinzwe ububanyi n'amahanga Sergueï Lavrov


Amazina
E-mail
Igitekerezo
 
 








Copyright © 2015 umurashi.rw | Desinged by Giganet Web Developers.Ltd