Perezida w’igihugu cy’Ubufaransa François Hollande ategerejwe I Moscou mu Burusiya kuri uyu wa kane tariki ya 26 ugushyingo aho ari bubonane na mugenzi we uyobora iki gihugu Vladimir Poutine kugirango basuzumire hamwe uko bafatanya mu kurandura Leta ya kisilamu cyane cyane mu bikorwa uyu mutwe uri gukorera muri Siriya bikanambuka imbibi z’iki gihugu


 

By Muhire Norbert | Views : 21147 | Kuya 11-26-2015 08:46




Aba bakuru b’ibi bihugu bagiye guhura kuri uyu wa kane tariki ya 26 ugushyingo 2015 mu gihugu cy’Uburusiya ubwo ibi bihugu byombi byugarijwe no kwibasirwa kw’ibitero.

Kuwa Gatanu tariki ya 13 Ugushyingo 2015 umurwa mukuru w’Ubufaransa I Paris hibasiwe n’ibitero ahantu hatatu hatandukanye bya Leta ya kisilamu,

                                       Umujyi wa Paris wibasiwe n'ibitero

Kuwa Gatatu tariki 18 ugushyingo 2015 mu mujyi wa Paris ahitwa Saint Denis Abiyahuzi 2 barimo umugore bahasize ubuzima nyuma yo kongera kwiturikirizaho ibisasu.

Kuri uyu wa kabiri tariki ya 24 ugushyingo 2015,Igisirikare cya Turkiya cyahanuye indege y’intambara y’u Burusiya kivuga ko yari yinjiye mu kirere cya Turkiya hafi y’umupaka wa Syria,iki gikorwa gikurura umwuka mubi hagati y’impande zombi.

                                     Indege y'Uburusiya imaze kuraswa.

Igihugu cy’Uburusiya cyatangaje ko umwe mu baderevu 2 b'indege yabwo y'intambara yarashwe n'indege 2 z'intambara za Turkiya yarokotse.

Ubu ari mu kigo cy'abasirikare b'uburusiya barwanira mu kirere cya Lattakia muri Syria.

Ministeri y'ingabo y'Uburusiya yongeyeho ko umuderevu wa kabiri n'umusirikare kabuhariwe wari mu gikorwa cyo kubatabara bishwe n'abarwanyi b'umutwe wa kisilamu.

Uburusiya bwavuze ko ibitero by'indege ku barwanyi b'umutwe wa Islamic State n'izindi ntagondwa muri Syria bizakomeza.

Indege zizajya zijya kurasa zizajya ziherekezwa n'indege z'intambara.

Intwaro zo mu rwego rwo hejuru z'uburusiya zikoreshwa mu guhanura indege zigiye gushingwa mu kigo cya gisirikare cya Lattakia.

Nyuma yo gusuzumira hamwe uko barandura umutwe wa Leta ya kisilamu, Hollande na Poutine baranareba uko bagarura umwuka mwiza hagati y’Uburusiya na Turukiya.



Amazina
E-mail
Igitekerezo
 
 








Copyright © 2015 umurashi.rw | Desinged by Giganet Web Developers.Ltd