Inyandiko z’impuguke  z’Umuryango w’Abibumbye  zirashinja  u Rwanda kwinjiza mu barwanyi no guha imyitozo ya gisirikare  impunzi z’abarundi mu rwego  rwo  gukura ku butegetsi Perezida w’uburundi, Pierre Nkurunziza.

 

By Ubwandisi | Views : 21924 | Kuya 02-04-2016 13:38



Reuters  ivuga ko icyo cyegeranyo cy’impuguke  z’Umuryango w’Abibumbye  zikurikiranira hafi  ibihano byafatiwe Repubulika Iharanira Demokarasi ya Congo(RDC),kivuga ko iyo myitozo  itangirwa mu nkambi iri mu ishyamba mu gihugu cy’Urwanda.

Izi mpuguke  muri icyo cyegeranyo bavuga  ko bavuganye n’abarwanyi 18 b’abarundi, mu Burasirazuba  bw’intara ya Kivu y’Epfo , muri Congo .

“Bose babwiye iryo tsinda  ko binjijwe mu barwanyi bavuye mu nkambi y’impunzi ya Mahama, mu Burasirazuba bw’Urwanda mu kwezi kwa gatanu n’ukwa gatandatu mu mwaka 2015, bahita  bigishwa igisirikare amezi abiri, kandi mu babigisha harimwo abasirikare b’Urwanda,” uko ni ko Reuters isubiramo  ibyanditse muri icyo cyegeranyo.

Uhagarariye u Rwanda  muri ONU, Eugene Gasana, yahakanye ibyo rushinjwa   bikubiye muri icyo cyegeranyo, aganira na Reuters akaba yagize ati “ Ibyo bigiye kugira ingaruka  ku cyizere cyari gifitiwe izi mpuguke, bigaragara ko  barengereye bagakora ibitari mu nshingano zabo , kuko bigaragaza  ko bakoze iperereza ku Burundi.”

Perezida w’uburundi, Pierre Nkurunziza

Uburundi buri mu ntambara  kuva mu kwezi kwa kane, kuva aho Perezida Pierre Nkurunziza atangaje ko aziyamamariza manda ya 3.

Ku ya 30 Ukuboza,2015  Nkurunziza  mu kiganiro n’abanyamakuru mu magambo ye bwite yavuze mu rurimi rw’ikirundi yagize ati:"Nta kabi na kamwe kazova mu Burundi kaja kubangamira n’u Rwanda. Abanyarwanda ni ababanyi dusangiye vyinshi, amata… Nta mubano mubi twifuza. Umubanyi ni we muryango, ararivumereye nta mubano mubi dushaka ku Rwanda dutegerezwa kubana neza.”

Perezida Nkurunziza  kandi  yemeje  ko igihugu cye nta kibazo  gifitanye n’u Rwanda




Amazina
E-mail
Igitekerezo
 
 








Copyright © 2015 umurashi.rw | Desinged by Giganet Web Developers.Ltd