Kuri uyu wa kane tariki ya 14 Nyakanga 2016,Theresa May yatangiye umunsi we wa mbere nka Minisitiri w'intebe w'igihugu cy'ubwongereza nyuma yaho David Cameron yeguriye biturutse ku kutemeranya na benshi mu bongereza batoye ko iki gihugu cyava mu muryango w'ubumwe bw'uburayi.

 

By Ubwanditsi | Views : 6741 | Kuya 07-14-2016 12:01



Amakuru akomeje gucicikana mu bitangazamakuru byo mu gihugu cy'ubwongereza aravuga ko Theresa May agiye kuyobora iki gihugu mu gihe cyugarijwe n'ibibazo byinshi birimo ibijyanye n'ihungabana ry'ubukungu bw'isi n'igwa ry'ifaranga rya Pawundi rikoreshwa muri iki gihugu.

Theresa May yavukiye Eastbourne tariki ya 01 ukwakira 1956, akora muri leta y'abongereza, ari umwe mu bayoboke b'ishyaka ry'abakonserivateri.

                Theresa May, Minisitiri w'intebe mushya w'ubwongereza

Mu 1997 Theresa May yatorewe kuba umudepite wa Maidenhead, mu 1999 yinjira muri cabine aho yakoze inshingano zitandukanye ku buyobozi bwa William Hague, Lain Duncan Smith, Michael Howard na David Cameron. 

Nyuma y'amatora y'abagize inteko ishingamategeko yabaye 2010, Theresa May, yagizwe umunyamabanga wa leta muri guverinoma y'inzibacyuho ya David Cameron.

Theresa May, niwe mugore wa 2 wegukanye uyu mwanya nyuma y'umutaravayisite Jacqui Smith. 

Theresa, yegukanye uyu mwanya atsinze Andrea Leadsom bari bahanganye, aba umuyobozi w'ishyaka ry'abakonserivateri agirwa Minisitiri w'intebe kuwa gatatu tariki ya 13 Nyakanga 2016.


Amazina
E-mail
Igitekerezo
 
 








Copyright © 2015 umurashi.rw | Desinged by Giganet Web Developers.Ltd