Nyuma y’uko mu cyumweru gishize Perezida wa Sudani y’Epfo Salva Kiir yanze gushyira umukono ku masezerano y’amahoro agamije kugaharika intambara ikomeje guca ibintu muri iki gihugu aho  ahanganye n’uwari Visi Perezida we Machar  kuri uyu wa Gatatu taliki ya  26 ,2015yavuye ku izima yemera gusinya aya masezerano gusa yongeraho ko  ko nubwo aya masezerano  atari  Bibiliya cyangwa Korowani bityo ko ingingo ziyagize   igihe icyo aricyo cyose zifite kongera gusuzumwa.


 

By Sheja Eugene | Views : 12117 | Kuya 08-27-2015 08:54



                                       Perezida Salva Kiir asinya amasezerano

Nk’uko bitangazwa na Radio Mpuzamahanga y’Abafaransa  ngo aya masezerano Perezida Salva Kiir akaba yayasinyiye  mu Murwa Mukuru w’iki gihugu,Juba  akaba ari amasezerano yitezweho guhagarika intambara yari imaze  hafi  imyaka ibiri aha muri Sudani y’Epfo  icya  ibintu.

Aya masezerano akaba ashyizweho umukono nyuma y'igihe kirekire  abahuza batandukanye bagerageza guhuza impande zitandukanye ariko  nitibigire icyo bitanga ahubwo bigasa  n'ibibyutsa imirwano ku mande zombi.

Iyi ntambara  ikaba yaratangiye mu Kuboza 2013  aho  Perezida Salva Kiir yashinjaga uwari Visi Perezida we Riek Machar gushaka guhirika ubutegetsi.

Kuva iyi ntambara yatangira abaturage  barenga  Miliyoni  2 n’ibihumbi  200 bakaba bamaze kuva mu byabo mu gihe abandi batari bake bahitanywe n’imirwano yagihe ihanganisha ingabo za Leta n’inyeshyamba.



Amazina
E-mail
Igitekerezo
 
 








Copyright © 2015 umurashi.rw | Desinged by Giganet Web Developers.Ltd