Mu gitero cy'ubwiyahuzi cyabaye kuri icyi cyumweru tariki ya 18 Nzeli 2016 mu gihugu cya Somalie, mu murwa mukuru Mogadiscio, umwe mu bayobozi bakuru b'ingabo n'abari bamurinze bagera kuri 4 bahasize ubuzima.

 

By Umutoni Solange | Views : 6636 | Kuya 09-18-2016 18:13



Amakuru aturuka mu gihugu cya Somalie atangwa n'abatangabuhamya bari aho iki gitero cyabereye hamwe n'inzego z'umutekano aravuga ko igitero cyagabwe kandi kikigambwa n'abarwanyi ba islamistes shebab.

Abdiaziz Mohamed, umuyobozi w'umutekano yavuze ko imodoka y'ivatiri yarimo abiyahuzi yagonze ikamyo ya gisirikare igahitanamo benshi harimo n'umuyobozi mukuru wabo mu muhanda werekeza mu gace k'inganda mu murwa mukuru Mogadiscio.

Abdi Hassan, undi mutangabuhamya yagize ati:" Nabonye umwotsi mwinshi n'umuriro bizamuka, tubwirwa ko Jenerali Gobale yaguye muri icyi gitero".

             Ahabereye igitero cy'ubwiyahuzi muri Somalie kuri uyu wa 18 Nzeli 2016

Icyi gitero kigambwe n'abarwanyi b'aba shebab bo muri somalie, bafitanye umubano n'abarwanyi b'umutwe wa Al-Qaïda, mu itangazo banyujije kuri Radio yabo ya Andalus.


Amazina
E-mail
Igitekerezo
 
 








Copyright © 2015 umurashi.rw | Desinged by Giganet Web Developers.Ltd