Mu karere ka Jubaland mu gihugu cya Somalie mu burasirazuba bw'Afurika, mu gihe kitarenze iminsi 2, abantu bagera kuri 26 bamaze gupfa bazize inzara.

 

By Umutoni Solange | Views : 3969 | Kuya 03-22-2017 11:12



Ni ku nshuro ya 2 muri uku kwezi, abategetsi ba Somalie bamenyeshwa ko kubera amapfa amaze igihe yibasiriye iki gihugu mu gihe kigera ku mwaka, abantu bakomeje kuhasiga ubuzima bishwe n'inzara. 

Radio Mogadisho, yatangaje ko ku cyumweru tariki ya 19 no kuwa mbere tariki ya 20 Werurwe 2017, mu gihe kitarenze amasaha 36, abantu 26 bishwe n'inzara mu karere ka Jubaland mu majyepfo y'iburengerazuba bwa Somalie, agace kagenzurwa n'aba shebab, bikabangamira urujya n'uruza rw'ibintu n'abantu. 

Mu ntangiriro z'uku kwezi, minisitiri w'intebe wa Somalie, yatangaje ko abantu 110 bapfuye mu gihe kitarenze amasaha 48 bazize imirire mibi mu karere ka Bay na Bakool. 

N'ubwo leta y'iki gihugu iterura ko cyugarijwe n'inzara, amatungo menshi yarapfuye ndetse n'imiryango myinshi ita ingo ijya gushakisha amazi n'ibyo kurya, Umuryango mpuzamahanga wita ku mbabare (Croix-Rouge), ukaba uvuga ko abanya somalie babarirwa muri miliyoni 3 bafite ikibazo cy'imirire mibi. 

                  26 bamaze guhitanwa n'inzara muri Somalie


Amazina
E-mail
Igitekerezo
 
 








Copyright © 2015 umurashi.rw | Desinged by Giganet Web Developers.Ltd