Amajana n'amajana y'abajihadisite bo muri Somalie bibumbiye mu mutwe wa leta ya kisilamu, mu gitondo cy'ejo kuwa gatatu tariki ya 26 ukwakira 2016 bafashe agace ka Qandala, agace gato ko muri Puntland muri Somalie, ku nshuro ya mbere bahita bigamba ko aka gace kari mu maboko yabo.

 

By Umutoni Solange | Views : 7938 | Kuya 10-27-2016 09:55



Mohamed Muse, umwe mu bayobozi utuye mu mujyi wa Bossasso, mu birometero bigera kuri 70 uvuye mu gace ka Qandala yatangarije ibiro ntaramakuru by'abafaransa akoresheje umurongo wa telefoni ko abarwanyi ba leta ya kisilamu bafashe agace ka Qandala maze bakabwira abaturage ko aribo bakayoboye.

Abarobyi bo muri Qandala bemeje ko uyu mujyi wafashwe n'abarwanyi ba leta ya kisilamu, bityo bakaba batari buge kuroba kuri uyu wa kane.

Abdiweli Adan, umuturage muri Qandala yavuze ko abarwanyi ba leta ya kisilamu bashinze ibirindiro mu nkengero z'amazi no mu bindi bice bitandukanye ariko bitoshye guhita umenya neza aho bari.

Abayobozi benshi bo mu bice by'icyaro nabo bemeje ko Qandala iri mu maboko y'abarwanyi ba leta ya kisilamu, bikaba byanatumye ubwo bahageraga abaturage bahise bahunga.


Amazina
E-mail
Igitekerezo
 
 








Copyright © 2015 umurashi.rw | Desinged by Giganet Web Developers.Ltd