Abarwanyi b’Umutwe w’Iterabwoba ,FDLR ku wa gatandatu tariki 12 Werurwe ,2016 bateze imodoka  yarimo abacuruzi  muri Zone ya Rutshuru mu Ntara ya Kivu ya ruguru  barasa abantu  3 bahita bitaba Imana.

 

By Habineza Gabriel | Views : 13230 | Kuya 03-14-2016 07:39



Nk’uko Komite y'abarobyi  bo mu Kiyaga cya Edouard yabitangarije Radio Okapi  ngo  iyi kamyo  yari yikoreye amafi n’abagenzi  ivuye  ahitwa  Vitshumbi yerekeje mu isoko rya Kibirizi ari nabwo baje kugwa mu gacu k’abarwanyi ba FDLR  igeze ahitwa i Kishishe.

Amakuru akomeza avuga ko abarwanyi ba FDLR  bahise batangira kurasa  iyo kamyo amasasu aho  yafashe abantu  batatu harimo na Shoferi wari uyitwaye bagahita bitaba Imana.

Abarwanyi ba FDLR ikomeje gushinjwa guhohotera abaturage ba Congo

Abaturage  baturiye uduce dukunze kwibasirwa n’ibitero by’abarwanyi ba FDLR  bakaba bakomeje gutakambira Perezida wa Repubulika iharanira Demoakarasi ya Congo,Joseph Kabila  kubakiza aba barwanyi.

Abaturage bakaba bashinja FDLR kubasahura , gufata ku ngufu abagore n’abakobwa, kubakoresha  imirimo y’agahato ndetse no kubagabaho ibitero  bihitana  abatari bake.



Amazina
E-mail
Igitekerezo
 
 








Copyright © 2015 umurashi.rw | Desinged by Giganet Web Developers.Ltd