Mu kiganiro  yagiranye n’Ikinyamakuru Umurashi    Nyirarumwe wa Nyakwigendera,Gashugi akaba yatangaje ko byavugwaga ko Théogene yari yerekeje  mu Murenge wa Musha mu  Karere ka Rwamagana gushaka inkwi zo gutwikisha amatanura nyuma y’iminsi  mike  bamubuze ngo baje kwakira telefone ye ariko ikoreshejwe n’undi muntu aho yavuze ko bafungiye  i Musha.

Ngo umuryango ukaba waratangiye gushakisha  hirya no hino kuri Sitasiyo za Polisi ngo barebe  ni koko  Théogene yaba ahafungiye  gusa ngo ntawe babonye.

Nyuma ngo baje  gukeka  Murumuna wa Nyakwigendera  nyuma yo  kumubonana umutumwa  bugufi kuri Telefone ye igendanwa  yohererejwe n’umukobwa amubwira ko ibintu bakomeje  byo kugambanira abantu bizabagaruka .

Gashugi agira ati’’ Murumuna we niwe ukekwa kuko  yari asanzwe afitanye amakimbirane yihishe na Mukuru we Théogene  kuko ngo yigeze kumwiba amafaranga y’u Rwanda ibihumbi magana ane(400000frws) akaza guhamwa n’icyaha sibyo gusa hari imishinga yo kubumba  ndetse no gutwika amatafari aba bavandimwe bigeze gufatanya ariko  Murumuna wa Théogene agashaka kurira mukuru we mu mibare aho byaje kurangira bitandukanyije’’

Gashugi avuga ko  uyu mukobwa nyuma yo koherereza  Habagusenga Gilbert  ubutumwa bugufi  bumuburira ko kugambanira abantu bizabakoraho  yahise nawe atabwa muri yombi.

Umuyobozi  w’Akagari ka  Mbandazi Bwana  Nzamurambaho Frederic aganira n’Ikinyamakuru Umurashi  akaba  yemeje aya makuru  ndetse yongeraho ko Gilbert  uzwi ku izina rya Nsenga nyuma yo  guhamwa no kwiba mukuru we amafaranga yavuze ko azihimura bityo  akaba aribyo  abayobozi baheraho bamukeka kuba yihishe inyuma y’urupfu rwa mukuru we Théogene.

Frederic akaba yanongeyeho ko ubu umurambo wa Nyakwigendera warangije gushyngurwa kuko wari warangiritse gusa ngo washyinguwe na mutwe ufite.

Umuvugizi wa Polisi mu Mujyi wa Kigali, Supt Mbabazi Modeste(Foto/Internet)

Umuvugizi wa Polisi mu Mujyi wa Kigali, Supt Mbabazi Modeste akaba yatangarije  Umurashi  ko aya makuru ariyo  gusa yirinze gutangaza amazina y’abandi bantu  bakekwaho  urupfu rwa Théogene aho yavuze ko amazina yabo aramutse agiye mu Itangazamakuru byabangamira iperereza ririmo gukorwa.

Théogene na Murumuna we Gilbert bakaba bavukana ku babyeyi bombi  aho bari bamaze iminsi babuze nyina ubabyara aho bari basigaranye na se ariko nawe batabanaga.