Abarwanyi bo mu  Mutwe w’Iterabwoba wa FDLR mu ijoro ryo ku wa Gatandatu w’icyumweru gishize  bagabye igitero ku baturage batuye  mu mujyi wa Kibirizi  aho basahuye  ndetse bakanasenya amwe  mu mazu y’aba baturage.

 

By Habineza Gabby | Views : 14595 | Kuya 09-21-2015 13:57



Ikinyamakuru Infos  Grands Lacs  dukesha iyi nkuru kivuga ko umwe mu bacuruzi bakomeye batuye muri  uyu mujyi witwa Jean Kambale yakomeretse  cyane nyuma akaza gucika aba barwanyi aho ngo bari bamushimuse.

Bamwe mu barwanyi ba FDLR

Iki kinyamakuru  kikaba gikomeza kivuga ko iki gitero cyamaze iminota igera kuri 15 gusa ngo nyuma y’uko Sosiyete Sivile itabaje  ako kanya ingabo za Congo(FARDC) zikaba zarahise zitabara aho ubu muri uyu mujyi umutekano wagarutse.

Umutwe wa FDLR wanashyizwe ku rutonde rw’imitwe y’iterabwoba na Leta Zunze ubumwe za Amerika  ukaba  ukomeje kugaba ibitero  ndetse no guhungabanya umutakano muri Repubulika iharanira Demokarasi ya Congo mu gihe Umunyamabanga Mukuru w’Umuryango w’Abibumbye, Ban Ki Moon kuri uyu munsi yasabye imitwe yitwaje intwaro kuzishyira hasi igahosha amakimbirane atuma amahoro abura.



Amazina
E-mail
Igitekerezo
 
 








Copyright © 2015 umurashi.rw | Desinged by Giganet Web Developers.Ltd