Ikipe y'umupira w'amaguru yo mu kiciro cya mbere mu Rwanda ya rayon sport iri mu marushanwa ya Caf Confederations Cup, igomba kwitabira umukino uzayihuza na 11 Createurs y'i Bamako muri Mali kuwa gatandatu, ku mugoroba w’ejo kuwa gatatu yaraye igeze muri iki gihugu aho yakiriwe neza n’abanyarwanda bahatuye.

 

By Habumugisha Théoneste | Views : 7896 | Kuya 03-09-2017 08:46



Ikipe ya rayon sport yahagurutse ku kibuga mpuzamahanga cya Kigali i Kanombe, ahagana mu masaha ya sa tanu z'ijoro (23h00) ryo kuwa kabiri tariki ya 07 werurwe 2017, igera i Bamako mu murwa mukuru wa Mali kuri Aeroport International President Modibo Keita senou bucyeye bwaho kuya 08, ahagana 16h00 ku isaha yo muri iki gihugu, 18h00 ku isaha yo mu Rwanda. 

Nyuma y'uru rugendo, mu gitondo cyo kuri uyu wa kane tariki ya 09, umutoza w'ikipe ya rayon sport wungirije, Nshimiyimana Maurice abyutse atangaza ko bakiriwe neza kandi abona abakinnyi bameze neza n'ubwo ubushyuhe ngo butoroshye. 

Nshimiyimana Maurice ati: 

" urugendo rwa hano ni rurerure n'indege, ni amasaha asaga 18, ntabwo rwatworoheye, abakinnyi uyu munsi bararuhuka amasaha ahagije noneho kwisaha ya 17:00 za hano muri Mali arizo 7:00 zo mu Rwanda, turakora imyitozo ariko idakanganye, icyo dushaka nukwimenyereza ikirere, kuwa gatandatu tukazitwara neza".

Umukino ubanza wa rayon sport na11 Createurs uteganyijwe kubera i Bamako mu gihugu cya Mali kuwa Gatandatu tariki 11 Werurwe 2017.  

                           Ikipe ya rayon sport ubwo yasohokaga mu kibuga cy'indege

                     Abanyarwanda bari muri Mali bakiriye rayon sport neza

                   Rayon sport yashyizwe muri Bus ijyanwa ku icumbi



Amazina
E-mail
Igitekerezo
 
 








Copyright © 2015 umurashi.rw | Desinged by Giganet Web Developers.Ltd