Umukino wanyuma w'igikombe cyo ku mugabane w'uburayi, Euro 2016 warabaye ubaye mu ijoro ryo ku cyumweru tariki 10 Nyakanga 2016, ikipe y'igihugu ya Portugal yaraye yegukanye igikombe nyuma yo gutsinda ikipe y'igihugu y'ubufaransa igitego 1 kuri 0 mu minota y'inyongera.

 

By Muhire Norbert | Views : 10605 | Kuya 07-11-2016 07:01



Icyi gitego kimwe rukumbi cy'ikipe y'igihugu ya Portugal cyabonetse muri uyu mukino, cyabonetse ku munota w'i 109 gitsinzwe na Eder wari winjiye asimbuye Renato Sanches ku munota wa 79, nyuma yaho iminota 90 isanzwe y'umukino yari yarangiye ari 0 - 0.

                       Umupira winjiye mu rushundura ku munota w'i 109

                                 Eder yishimira igitego amaze gutsinda 

                                 Ikipe ya Portugal yishimira igitego cya Eder

Rutahizamu w'ikipe y'igihugu ya Portugal Cristiano Ronaldo wari witezwe ko ari bwigaragaze cyane muri uyu mukino, ku munota wa 25 yaje kugira ikibazo cy'imvune asimburwa na Ricardo Quaresma, benshi batangira kwibwira ko ibya Portugal birangiye

           Cristiano Ronaldo wavunitse agahatiriza inshuro 3 bikanga agasimburwa

Uyu mukino waranzwe n'ishyaka ku mpande zombi bituma hagaragaramo amakarita y'imihondo 10 ku makipe yombi, harimo 6 ya Portugal na 4 y'Ubufaransa.

Cristiano Ronaldo nubwo yari yavunitse akajyanwa gukurikiranwa yongeye kugaragara afatanya n'umutoza we Fernando Santos guha amabwiriza abakinnyi kugirango barebe ko bakwegukana igikombe.

         Cristiano Ronaldo n'umutoza Fernando Santos batanga amabwiriza

Ku nshuro ya mbere, ikipe y'igihugu ya Portugal yaje kwegukana igikombe cya Euro.

                        Ibyishimo ni byose ku bafana ba Portugal


Amazina
E-mail
Igitekerezo
 
 








Copyright © 2015 umurashi.rw | Desinged by Giganet Web Developers.Ltd