Kuri uyu wa kabiri tariki ya 10 Gicurasi 2016, i Paris mu gihugu cy'ubufaransa hatangiye urubanza rwa kabiri rw'abashinjwa kugira uruhare muri Jenoside yakorewe abatutsi mu Rwanda mu 1994,abagabo 2 bahoze ari ba burugumesitiri, Octavien Ngenzi naTito Barahira akaba aribo batangiye kuburanishwa ibyaha bashinjwa.

 

By Umutoni Solange | Views : 9261 | Kuya 05-10-2016 21:29



Urubanza rwa mbere rwatangiye kuburanishirizwa mu gihugu cy'ubufaransa ku bagize uruhare muri jenoside yakorewe abatutsi mu Rwanda mu 1994 ni urwa Pascal Simbikangwa rwabaye mu myaka 2 ishize,akaba yaragize uruhare rukomeye mu rupfu rw'abatutsi bishwe.

Abatangabuhamya bavuze ko bumvise Pascal Simbikangwa atanga amabwiriza mu gitero cyahitanye amajana n'amajana y'abatutsi.

                                 Pascal Simbikangwa 

Pascal Simbikangwa yahoze ari umusirikare w'ipeti rya capitaine mu basirikare bari bashinzwe kurinda umukuru w'igihugu cy'u Rwanda mu gihe cya jenoside yakorewe abatutsi mu Rwanda 1994,kuwa gatanu tariki ya 14 werurwe 2014,yabaye umuntu wa mbere ukekwaho jenoside waburanishijwe n'igihugu cy'ubufaransa akatirwa igifungo cy'imyaka 25.

Kuri uyu wa kabiri tariki ya 10 Gicurasi 2016,i Paris mu gihugu cy'ubufaransa hatangiye urubanza rwa kabiri rw'abashinjwa kugira uruhare muri jenoside yakorewe abatutsi mu Rwanda.

                    Inzu y'ubutabera y'i Paris

Abagabo 2 bahoze ari ba burugumesitiri b'icyahoze ari komini Kabarondo,Octavien Ngenzi naTito Barahira nibo hatangiye kuburana.

Octavien Ngenzi w'imyaka 58 y'amavuko na Tito Barahira w'imyaka 65 batangiye kuburana umwe yicaye iruhande rw'undi,Tito Barahira kubera ikibazo cy'uburwayi buri nyuma y'amasaha 2 agomba kuruhuka naho 3 mu cyumweru akaba agomba kuba kwa muganga,akaba ariyo mpamvu urukiko rwavuze ko uru rubanza rushobora gutinda.

Nyuma y'amakuru y'abatangabuhamya benshi,aba bagabo uko ari 2, Octavien Ngenzi na Tito Barahira, bashinjwa kugira uruhare mu bwicanyi bwakorewe abatutsi barenga 100 bari bahungiye mu kiriziya yo mu cyahoze ari komini Kabarondo mu burasirazuba bw'u Rwanda kuya 13 mata 1994.

Ngenzi w'imyaka 58, yabaye burugumesitiri wa komini Kabarondo kuva 1986 kugera 1994, akaba ashinjwa kuba ariwe watanze amabwiriza yo kubica. 

Barahira w'imyaka 65, niwe wabanjirije Ngenzi kuyobora iyi komini, yagaragaye kandi agira uruhare mu gukangurira abicanyi umugambi wo kwica.


Amazina
E-mail
Igitekerezo
 
 








Copyright © 2015 umurashi.rw | Desinged by Giganet Web Developers.Ltd