Umwe mu biyahuzi barindwi bagize uruhare mu bitero byibasiye umujyi wa Paris kuwa Gatanu tariki ya 13 Ugushyingo 2015,ariwe Omar Ismail Mostefai yaramenyekanye.


 

By Muhire Norbert | Views : 22617 | Kuya 11-16-2015 07:17



Omar Ismail Mostefaini Umufaransa wari usanzwe azwi na polisi nk’umuhezanguni wa kiyisilamu.

Uyu musore w’imyaka 29 yamenyekanye kubera urutoki rwavumbuwe ahabereye aya mahano y’ibitero by’ubwicanyi kuwa Gatanu tariki ya 13 Ugushyingo 2015.

Amakuru aravuga ko polisi iri gusuzuma niba yarigeze atemberera muri Siriya.

Umutwe wa kiyisilamu wa Islamic State wavuze ko uri inyuma y’ibi bitero byagabwe ku wa Gatanu, byishe abantu bagera ku 129.

Abashinjacyaha bavuga ko abicanyi bari bafite imbunda zo mu bwoko bwa karacinikovu (AK47) ndetse n’imikandara iriho ibisasu bya bombe, bari biteguye neza kandi bigabanya mu matsinda atatu.

Polisi mu Bubiligi yataye muri yombi abagabo batatu bafitanye isano n’ibitero by’i Paris.

Minisiteri y’ubutabera yavuze ko abafatiwe I Buruseli bafitanye isano n’imodoka yakodesherejwe mu Bubiligi iza kubonwa hafi y’inzu yaberagamo igitaramo i Paris aho ubwicanyi bukomeye bwabereye

Guverinoma y’Ubugereki yavuze ko hari urupapuro mpuzamahanga rw’inzira bita pasiporo, rwatangiwe muri Siriya rwavumbuwe hafi y’umurambo w’umwe mu barashi bagabye ibitero i Paris.

                                       umugore yunamira abahitanwe n'ibitero

Abantu benshi bitabiriye ijoro ryo kwibuka abaguye i Paris, bateraniye mu izingiro rya, Trafalgar Square, i Londres



Amazina
E-mail
Igitekerezo
 
 








Copyright © 2015 umurashi.rw | Desinged by Giganet Web Developers.Ltd