Nyuma y’umusi umwe Korea ya ruguru igerageje bombe ya Hydrogene, akanama ka ONU gashinzwe umutekano katangaje ko kagiye gufatira ibihano iki gihugu cya Korea ya ruguru.Ban Ki Moon,umunyamabanga mukuru w'umuryango w'abibumbye yongeyeho ko iri geragezwa rya nucleaire ari ibintu biteye ubwoba.

 

By Muhire Norbert | Views : 15393 | Kuya 01-07-2016 08:24




Benshi mu bahanga berekanye amakenga kuri iri geragezwa rya bombe ya nucleaire, ribaye ku nshuro ya kane, bibaza ko ataba ari iya Hydrogene gusa bitewe n'ukuntu byaturitse.

Bombe ya Hydrogene n’imwe mu mabombe ari mu bwoko bwa atomique cyangwa ya nucleaire afite imbaraga zidasanzwe,wagereranya na bombe za atomique zatewe Hiroshima na Nagasaki mu Buyapani mu gihe cy'intambara ya 2 y'isi..

Abahanga bakomeza bavuga ko iyi bombe ya hydrogene ifite ingufu nyinshi ku buryo ishobora gusenya umujyi wose ari imwe.

Kubera iryo geragezwa,umunyamabanga mukuru w'umuryango w'abibumbye,ONU Ban Ki Moon, yavuze ko iri geragezwa rya nucleaire ari ibintu biteye ubwoba.

Ban Ki Moon yagize ati :" iri geragezwa ryongeye kuba riciye ukubiri n'amahame cyangwa ingingo nyinshi z’inama ya Onu ishinzwe umutekano aho izi ngingo zibuza ibintu nk'ibi bihumanya ikirere bikanica abantu,iki gikorwa kigaragara nk'iterabwoba ku mutekano wo mu karere"

Mu izina rya Leta Zunze Ubumwe za Amerika,umuvugizi w’ibiro by’umukuru w’igihugu, Josh Earnest, yatangaje ko bababajwe n'iki gikorwa,yongeraho ko biyama Korea ya ruguru kuko yica amasezerano mpuzamahanga bafitanye.

Uburusiya n’Ubushinwa na byo byababajwe n’iri geragezwa.



Amazina
E-mail
Igitekerezo
 
 








Copyright © 2015 umurashi.rw | Desinged by Giganet Web Developers.Ltd