Amakuru akomeje gucicikana mu bitangazamakuru  bitandukanye aravuga ko  bimwe mu bihugu bigize  Umuryango wa SADC harimo na Tanzania byaba bigiye  kohereza abasirikare babyo mu Burundi nyuma yo kwitabazwa na  Perezida Nkurunziza ukomeje gutsimbarara ku butegetsi.

 

By Ubwanditsi | Views : 42903 | Kuya 08-12-2015 11:13



Ayo makuru akomeza auvga ko  ku cyicaro cya SADC kiri i Gaberone muri Bonswana  ariho habereye  inama  zitegura  uyu mugambi wo kohereza ingabo mu Burundi gufasha Perezida Nkurunziza.

Izi nama ngo  zikaba zaratangiye gupangwa  taliki ya  6 Kanama uyu mwaka turimo  aikaba zihuza abayobozi bakuru b’ingabo  b’ibihugu bitandukanye harimo  Angola, Mozambique, Swaziland, Tanzania, Zambia na Zimbabwe Botswana, Lesotho na  Malawi.

Aya makuru kandi  akaba ahamya ko  uku kohereza ingabo kw’ibi bihugu mu Burundi  keretse bikozwe mu buryo bw’ibanga kuko SADC itakohereza ingabo mu gihugu icyo aricyo cyose  nta burenganzira ihawe n’Umuryango w’Abibumbye.


Bamwe mu Basirikare ba Tanzaniya

Kuva Perezida Nkurunziza yatangaza ko aziyamamariza manda ya 3 ihabanye n’Itegeko Nshinga rigenga u Burundi ndetse ikaba yamaganwa n’abatavuga rumwe n’ubutegetsi bwe  imyigaragambyo  yakomeje guca ibintu ari nako abo muri Opozisiyo bafungwa abandi bakicwa.

Nyuma y’uko Perezida Nkurunziza atsindiye amatora y’Umukuru w’igihugu  mu nduru , imiryango Mpuzamahanga ikaba yarayamaganiye kure gusa akaba yaratsimbaraye ku butegetsi aho  abatavuga rumwe na we bakomeje kwicwa ndetse  hakaba haranavutse umutwe wa gisirikare umurwanya ugizwe n’abari Abagenerali be.



Amazina
E-mail
Igitekerezo
 
 








Copyright © 2015 umurashi.rw | Desinged by Giganet Web Developers.Ltd