Nyuma y'amakimbirane amaze iminsi avugwa hagati y'uwari kapitene w'ikipe y'abakobwa ya AS Kigali akaba n'umukinnyi w'ikipe y'igihugu y'abagore Uwamahirwe Chadia washinjaga umutoza we, Nyinawumuntu Grace, ubutinganyi, avuga ko ubwo yinjiraga muri izi kipe akiri muto, yamushutse akajya amukoresha ibikorwa by'ubutinganyi kugirango abone umwanya, uyu mutoza akaba yarisobanuye avuga ko uyu ari mu gatsiko k'abifuza kumuhirika ku mwanya, Chadia akaba yagarutse mu myitozo kuri uyu wa kabiri.

 

By Habumugisha Théoneste | Views : 9975 | Kuya 01-17-2017 17:38



Ubwo yagarukaga mu myitozo kuri uyu wa kabiri tariki ya 17 mutarama 2017, ahagana isa yine z'amanywa, Uwamahiwe Chadia wavuzweho kugirana amakimbirane n'umutoza we, Nyinawumuntu Grace kubera kumushinja ubutinganyi, yagiranye ikiganiro n'umurashi.rw agaragaza ko ari muzima kandi yagarutse kwitegura shampiyona n'ikipe ye.

Chadia :" ndi muzima kandi nagarutse kwitegura shampiyona n'ikipe yange, nyuma y'ibibazo byose nahuye nabyo abantu baranganirije bamba hafi barampumuriza ubu meze neza niteguye shampiyona, abatoza bari kubimfashamo kandi niteguye nange kwitwara neza".

Umurashi.rw :" watangiye umupira ryari kandi hehe ?

Chadia : "Natangiriye mu ikipe y'iwacu i Gisenyi mu mwaka wa 2006, nahakinnye umwaka noneho 2007 njya gukinira ikipe ya Gakenke uwo mwaka nza no kujya gukinira ikipe y'i Goma bansaba ko nakinira under 20 y'abari ba Congo ndanga, noneho 2008 nibwo nari ngeze muri As Kigali ndimo ubu ngubu".

Umurashi.rw : " Ni ibihe bihe wagiriye muri As Kigali byiza bigutera imbaraga zo kuba ugarutse witeguye kwitwara neza?

Chadia : " naje 2008 mu iyi kipe mpakina umwaka, 2009 bampaye kapiteni kugera 2014 nkiyambaye muri iyo myaka natwaye shampiyona 6 zose nyoboye, ntwara igikombe cya FPR 2012, dutwara Feassa(irushanwa ry'amakipe ahagarariye ibigo by'amashuri rihuza ibihugu by'Afurika y'iburasirazuba) y'abari ya 2014, nabaye umukinnyi mwiza  w'umwaka wa 2012-2013 muri shampiyona y'abari mu Rwanda, ibyo ni ibihe bimwe byiza nagize muri AS Kigali numva nibuka bizamfasha kwitwara neza nkongera kubaka izina ryange" .

Uwamahirwe Chadia wabaye na kapiteni w'ikipe y'igihugu y'u Rwanda y'abari agarutse mu ikipe nyuma y'ibibazo bikomeye yagiranye n'uwari umutoza we Nyinawumuntu Grace, ariko ubu akaba atakiri umutoza we kuko yahagaritswe nyuma yo kuvugwaho amakuru menshi atandukanye arimo gutonesha bamwe agakandamiza abandi, ubuyobozi bw'umujyi wa Kigali bukaba bwarahisemo kuba bumuhagaritse agakorerwaho iperereza, ikipe ikaba yarahawe undi mutoza mushyashya wari wungirije muri AS Kigali y'abagabo, Uwamahirwe Chadia we n'abandi bakinnyi bake bari basanzwe muri AS Kigali ndetse n'abandi bakinnyi bashya bakaba bakomeje kwitegura shampiyona y'abari izatangira mu kwezi kwa kabiri uyu mwaka.

                          Uwamahirwe Chadia


Amazina
E-mail
Igitekerezo
 
 








Copyright © 2015 umurashi.rw | Desinged by Giganet Web Developers.Ltd