Nizigiyimana Kalim Makenzi wabiciye bigacika mu ikipe ya rayon sport akaza kwerekeza mu ikipe ya Glomaria, nyuma y'iminsi agaragara mu myitozo ndetse no mu mikino ya gicuti ifasha ikipe ya rayon sport kwitegura shampiyona, kuri uyu wa gatatu yuriye indege asubira mu gihugu cya Kenya nyuma yo guhamagarwa n'ikipe ya Glomaria yari agifitiye amasezerano.

 

By Habumugisha Théoneste | Views : 7119 | Kuya 01-05-2017 11:21



Umukinnyi ukomoka mu gihugu cy'u Burundi wabiciye bigacika mu kipe ya rayon sport, akayifasha gutwara igikombe cya shampiyona y'u Rwanda mu mupira w'amaguru icyiciro cya mbere mu mwaka wa 2013, Nizigiyimana Kalim Makenzi amaze igihe kirenga ibyumweru 3 agaragara mu ikipe ya rayon sport aho yakoreraga imyitozo ndetse akanayikinira imikino ya gicuti, iyi kipe yakinaga mu rwego rwo kwitegura neza shampiyona.

Muri iki gihe Makenzi amaze agarutse mu Rwanda mu gihe cy'ibiruhuko, benshi mu bakunzi ba rayon sport bakaba bari batangiye kwizera ko iyi kipe yazamusinyisha ndetse akayifasha kwitwara neza kubera ubuhanga yagaragazaga.

Icyi cyizere cyayoyotse ku gicamunsi cyo ku munsi w'ejo kuwa gatatu tariki ya 04 Mutarama 2017, ubwo uyu musore yuriraga indege agasubira mu gihugu cya Kenya ahamagawe n'ikipe ya Glomaria asanzwe agifitiye amasezerano.

Mu kiganiro kigufi Makenze yagiranye n'umurashi.rw mbere yo kurira indege yagize ati:

" bampamagaye mu ikipe yange ya Glomaria bansaba ko nagaruka byihuse, ibijyanye n'ibiganiro turi bugirane mwabimenya mu minsi iri imbere".

            Makenze yuriye indege ahamagawe na Glomaria

              Makenze (2 iburyo) yari amaze iminsi agaragara mu ikipe ya rayon sport


Amazina
E-mail
Igitekerezo
 
 








Copyright © 2015 umurashi.rw | Desinged by Giganet Web Developers.Ltd