I Lubumbashi muri repubulika iharanira demokarasi ya Congo,ababuranira Moïse Katumbi basabye leta,ko abafashwe bazira gukorana na Moïse Katumbi bahabwa umwanya wo kubonana nawe.

 

By Idrissa Katumbi | Views : 9765 | Kuya 05-13-2016 09:49



Mu rubanza rwabereye mu rukiko rukuru rw'i Lubumbashi,muri repubulika iharanira demokarasi ya Congo,kuwa gatatu tariki ya 11 Gicurasi 2016,ababuranira Moïse Katumbi basabye umuburanyi mukuru wa leta ya Congo Kinshasa ko habaho umubonano w'umukiriya wabo hamwe n'abayoboke be bafashwe bagafungwa na leta.

Alexis Thambwe Mwamba,Minisitiri w'ubutabera wa DRC,kuya 04 Gicurasi 2016,mu izina Leta ya Congo Kinshasa yatangaje ko ifite ibimenyetso by'uko Moïse Katumbi yinjiza abanyamahanga agafatanya nabo mu migambi yo gushaka ubutegetsi.

yagize ati:"dufite ibimenyetso byafashwe ko abahoze ari abasirikare bo hambere ba leta zunze ubumwe za Amerika bari ubu mu gace ka Katanga,bari mu mirimo ya Moïse Katumbi".

Me Jacques Shesha, umwe mu baburanira Katumbi,yavuze ko bifuza kubonana n'abafashwe bagafungwa bashinjwa gukorana na Moïse,kugirango basuzume niba koko abo bantu baba babazi.

Professeur Huit Mulungo, wahoze ari umuyobozi wa cabinet wa Moïse Katumbi, guverineri wa Katanga,kuwa gatanu tariki ya 22 mata 2016 yahamagawe n'inzego z'umutekano arazwa ijoro rimwe mu nzu z'inzego z'ubutasi nyuma yoherezwa mu rukiko rwa Gisirikare rwa Lubumbashi.

Nyuma y'iminsi 2 Professeur Huit Mulungo,afashwe hahise hanafatwa n'abana 2 ba Pierre Lumbi wahoze ari umujyanama udasanzwe w'umukuru w'igihugu akaba nawe ari umwe mu bagize itsinda ry'amashyaka ari muri G7.

Abandi bagabo 4 bafashwe bashinjwa gukorana bya hafi na Moïse Katumbi ni Darryl Lewis ufite ubwenegihugu bwa leta zunze ubumwe za Amerika,abandi 3 ni abanyecongo, Idi Sefu, Yannick Kabinda na Franck Mwashila.



Amazina
E-mail
Igitekerezo
 
 








Copyright © 2015 umurashi.rw | Desinged by Giganet Web Developers.Ltd