Ku mugoroba w'ejo kuwa gatatu tariki ya 01 Werurwe 2017, Nyuma y'imyaka 3, ingabo za leta ya Siriya n'abo bafatanyije, bongeye kwigarurira umujyi wa Palmyre rwagati mu gihugu, nyuma y'imirwano ikomeye yabahuje n'abarwanyi bo mu mutwe wa leta ya kisilamu. 

 

By Umutoni Solange | Views : 7119 | Kuya 03-02-2017 09:47



Umujyi wa Palmyre ni umujyi wubatswe mu bihe bya kera, ukaba warashyizwe na Unesco mu mitungo ndangamurage y'isi.

Nyuma y'imyaka igera kuri 3 uyu mujyi wa Palmyre uri mu biganza by'abarwanyi ba leta ya kisilamu, bakaba barasenye ndetse banangiza ibikorwa biranga amateka birimo n'inyubako zo hambere.

Imirwano ikomeye yarakomeje ahagana mu masaha y'ijoro mu gice cy'umujyi mu majyaruguru y'umujyi wa kera.

Ingabo za leta ya siriya n'abarwanyi b'umutwe wa Hezbollah wo muri Liban ku bufatanye n'indege z'umutwe udasanzwe w'uburusiya binjiriye mu burengerazuba n'amajyaruguru y'iburengerazuba.

Kugirango ingabo za leta ya Siriya zigarurire umujyi wa Palmyre zafashe imisozi ya Hayal na Tar,maze zihangana bikomeye n'abajihadisite.

Amakuru dukesha radiyo mpuzamahanga y'abafaransa aravuga ko nyuma yo kurushwa imbaraga, abajihadisite berekeje mu burasirazuba bw'umujyi no ku kibuga cy'indege, bakaba batangiye kwerekeza mu butayu bwa Siriya mu mujyi wundi wa Sokhna hegereye umupaka n'igihugu cya Irak

Imirwano yo kubohora umujyi wa Palmyre yamaze amezi 2, itwara byinshi ingabo za Siriya n'iza Hezbollah yo muri liban.


Amazina
E-mail
Igitekerezo
 
 








Copyright © 2015 umurashi.rw | Desinged by Giganet Web Developers.Ltd