Nyuma yo kuvunikira mu mukino wahuje ikipe ya rayon sport na AS Kigali, rutahizamu wa rayon Mussa Camara akagira ikibazo cy'imvune, kuri uyu wa kabiri yagaragaye mu myitozo hamwe na bagenzi be, yabereye kuri Stade de l'amitié i Nyamirambo.

 

By Habumugisha Théoneste | Views : 19572 | Kuya 10-18-2016 10:16



Mu mukino wahuje ikipe ya rayon sport na AS Kigali kuwa gatandatu tariki ya 08 ukwakira 2016 mu rwego rwo gufungura kumugaragaro uburyo bushya bw'ikoranabuhanga buzajya bwifashishwa mu kumenya umubare nyakuri w'abakunzi n'abafana ba rayon sport no kuborohereza kuyitera inkunga, nibwo rutahizamu wa rayon Mussa Camara yagize ikibazo cy'imvune.

Mu myitozo y'ikipe ya rayon sport yabaye kuri uyu wa kabiri tariki ya 18 ukwakira 2016, rutahizamu Mussa Camara yongeye kuyigaragaramo ari kumwe na bagenzi be n'ubwo atabashije kuyirangiza, byagaragaraga ko atarakira neza ariko mu bihe bya vuba azaba ameze neza.

Iyi myitozo yatangiye isa mbiri za mugitondo, yitabiriwe n'abakinnyi bose ba rayon sport, usibye Ange Mutsinzi wagiye mu bizamini.

                                 Rutahizamu wa rayon sport  Mussa Camara

Umukino ubanza wa shampiyona y'igihugu mu mupira w'amaguru, ikipe ya rayon sport yatsinze Police FC ibitego 3 - 0, umukino wa 2 ukazaba kuwa gatandatu tariki ya 22 ukwakira 2016, aba rayon bazerekera i Rusizi aho bagomba gukina na Espoir FC.


Amazina
E-mail
Igitekerezo
 
 








Copyright © 2015 umurashi.rw | Desinged by Giganet Web Developers.Ltd