Abakuru b'ibihugu 5 boherejwe mu Burundi n'umuryango w'ibihugu by'Afurika AU gushakira umuti ikibazo kiri muri icyo gihugu, barangije inama na Perezida Nkurunziza ariko nta tangazo risoza iyo nama basohoye.

 

By Ubwanditsi | Views : 9030 | Kuya 02-26-2016 23:06



Perezida wa Afurika y'Epfo Jacob Zuma, uyoboye izo ntumwa za AU, Mu magambo make yavuze iyo nama irangiye,yavuze ko kubera ikibazo cy'umwanya, itangazo risoza iyi nama bishoboka ko ryasohoka kuri uyu wa gatandatu tariki ya 27 gashyantare 2016.

Perezida Zuma,yavuze ko muri rusange babwizanye ukuri kandi hari byinshi bumvikanyeho ariko bizamenyakana mu itangazo bazasohora.

                       Abakuru b'ibihugu 5 mu nama na Perezida Pierre Nkurunziza

Nta bibazo byabajijwe, Perezida Zuma yemereye abanyamakuru ko bazahabwa umwanya wo kubaza iryo tangazo rimaze gusohoka.

Intumwa za leta y'i Burundi zari ziyobowe na Perezida Nkurunziza. 

Ku munsi wa mbere w'uru ruzinduko,kuwa kane tariki ya 25 izi ntumwa zabonanye n'abahagarariye amashyaka atavuga rumwe na leta, intumwa z'imiryango itabogamiye kuri leta n'abayobozi b'amadini.

Babonanye kandi na Domitien Ndayizeye, wigeze kuyobora u Burundi, abandi bahoze ari abakuru b'igihugu bari hanze y'u Burundi.



Amazina
E-mail
Igitekerezo
 
 








Copyright © 2015 umurashi.rw | Desinged by Giganet Web Developers.Ltd