Kuri uyu wa Mbere taliki ya 12 Ukwakira,2015,abasivile 8 barishwe abandi batari bake barakomereka mu bitero  2 byagabwe  mu masaha amwe  mu duce twa  Mukoko na Tenambo  duherereye kuri Kilometero 40 mu Majyaruguru ashyira Uburasirazuba bw’Umujyi wa Beni uherereye mu Ntara ya Kivu y'Amajyaruguru  muri Repubulika iharanira Demokarasi ya Congo.

 

By Habineza Gabby | Views : 19740 | Kuya 10-13-2015 07:51



Sosiyete Sivile  muri utu duce ikaba yatangarije Radio Okapi ko  iyi mibare  yatangajwe ari agateganyo  ndetse  ko  ibi bitero bifite kuba byagabwe  n’umutwe w’inyeshyamba zirwanya Leta ya Uganda, ADF/Nalu.

Andi makuru ava i Beni yatangajwe n’inzego zishinzwe umutekano akaba  yemeza ko  ibi bitero byabayeho ariko bigoranye gutangaza imibare ntakuka y’ababiguyemo ndetse n'abakomeretse.

Bamwe mu barwanyi b'Umutwe wa ADF/Nalu

Uyu mutwe wa ADF  ukaba  ku wa Mbere  taliki  5 Ukwakira,2015  warahanganye  n’ingabo za Congo,FARDC  mu duce twa  Bilimani na Abialos turi kuri Kilometero  90 uvuye mu mujyi wa Beni mu Ntara ya Kivu ya Ruguru(Nord-Kivu) aho  inyeshyamba  zibarirwa mu 10  zagiye  muri iyi mirwano igikomeje yamaze iminsi 3.




Amazina
E-mail
Igitekerezo
 
 








Copyright © 2015 umurashi.rw | Desinged by Giganet Web Developers.Ltd