Abantu bagera kuri 30 basize ubuzima  mu mirwano ikomeye  yahanganishije  ingabo za Leta ya Congo(FARDC) n’umutwe w’inyeshyamba wa ADF/Nalu  ku wa Mbere ndetse no ku wa Kabiri taliki ya  27 Ukwakira ,2015 mu  duce twa Makembi, Nadwi na Jéricho  kuri Kilometero  80  uvuye mu mujyi wa  Beni mu Ntara ya Nord-Kivu.

 

By Habineza Gabby | Views : 22869 | Kuya 10-28-2015 12:04



Radio Okapi dukesha iyi nkuru ivuga ko  izi nyeshyamba zirwanya Uganda  zagabye ibi bitero mu masaha amwe  ku birindiro  bya FARDC  biri  mu  duce  duherereye mu Majyaruru ashyira Uburasirazuba bw’Umujyi wa Beni  zishaka  kwisubiza  ibirindiro byazo bya Kera.

Amakuru akomeza avuga ko  iyi mirwano  inyeshyamba 19 zayiguyemo  ndetse n’abasirikare ba Leta 11 barapfa harimo n’abatatu bakomeretse nk’uko byatangajwe n’ubuyobozi bwa gisirikare  kuri uyu wa Gatatu taliki 28 Ukwakira,2015.

Inyeshyamba zo mu mutwe wa ADF  zikaba zimaze kwica abantu  400 mu mwaka umwe  mu mu Karere ka Beni.

Ifatwa ry’uyumuyobozi w’uyu mutwe ,Jamil Mukulu muri Kanama,2014 muri Tanzaniya rikaba ritarigeze rikoma mu nkokora ibikorwa bitandukanye by’uyu mutwe.


Amazina
E-mail
Igitekerezo
 
 








Copyright © 2015 umurashi.rw | Desinged by Giganet Web Developers.Ltd