Mu majyepfo y'iburasirazuba bw' igihugu cya Nigeria hafi y'umupaka n'igihugu cya Cameruni abasivile bagera kuri mirongo irindwi baraye bishwe.

 

By Muhire Norbert | Views : 14700 | Kuya 12-23-2015 23:47



Ubu bwicanyi bwabereye mu majyepfo y'iburasirazuba bw' igihugu cya Nigeria hafi y'umupaka n'igihugu cya Cameruni kuwa gatatu tariki ya 23 ukuboza 2015 bwahitanye abasivile bagera kuri 70.

Abaturage bo muri kano gace kabereyemo ubwicanyi bashinja ingabo z'igihugu cya Cameruni kuba arizo zahitanye aba baturage ubwo zahigaga abarwanyi b'umutwe wa Boko Haram.

Abaturage bavuga ko abasirikare binjiye mu gace k’ahitwa Kirawa-Jimni mu ntara ya Borno, babaza abahaba aho abarwanyi b’umutwe wa Boko Haram bihishe, hanyuma batangira kurasa.

Amakuru umurashi.rw ukesha radio ijwi ry'Amerika aravuga ko Abaturage babashije guhunga bakarokoka ubu bwicanyi,ubwo bagarukaga bavuze ko basanze hari imirambo igera kuri 70 y'abahitanywe n'amasasu.

Umuvugizi w’igisirikare mu gace ka Kirawa-Jimni, Abbas Gava yavuze ko abasirikare ba Leta ya Nigeria barimo barakurikirana abarwanyi b’umutwe wa Boko Haram igihe barasaga abantu baba muri aka karere.


Amazina
E-mail
Igitekerezo
 
 








Copyright © 2015 umurashi.rw | Desinged by Giganet Web Developers.Ltd