Mu gihugu cya Kenya, hongeye kuba igitero cy'abarwanyi bagendera ku mahame y'idini ya Isilamu mu gihugu cya Somaliya, cyahitanye abantu bagera kuri 6 mu ijoro ryakeye mu gace ka Mandera, mu majyaruguru y'igihugu cya Kenya, agace kegereye igihugu cya Somalie.

 

By Umutoni Solange | Views : 14070 | Kuya 10-06-2016 11:46



Iki gitero cyabaye mu ijoro ryacyeye, kuwa gatatu tariki ya 05 ukwakira rishyira kuya 06 ukwakira 2016, ahagana mu ma sa cyenda z'ijoro, aho umwe mu bakomando bo mu mutwe w'abarwanyi  bagendera ku mahame y'idini ya Isilamu mu gihugu cya Somaliya ( Islamistes Somaliens ) aherekejwe n'abandi bantu bari bitwaje intwaro baturikije umuryango winjira ahari inyubako nyinshi zituwemo n'abakozi ba entreprise y'ubwubatsi.

Aba barwanyi bakigera imbere mu kigo, bamishagiye urufaya rw'amasasu ku byumba by'amazu, maze abantu bagera kuri 6 bitaba Imana, undi 1 arakomereka bikabije.

Abatangabuhamya batangarije itangazamakuru ko Polisi y'igihugu cya Kenya icyumva urufaya rw'amasasu yahise itabara maze abarwanyi bagahunga.

Mu gitondo cyo kuri uyu wa kane tariki ya 06 ukwakira 2016, icyi gitero kigambwe n'abo mu mutwe w'aba Shebab bari ku ruhande rw'abo mu mutwe wa al-Qaida, aho batangaje ko cyari kigambiriye guhitana aba kirisitu.

Umutambagiro w'abarwanyi b'aba shebabs, i Afgoye muri Somalie kuya 17 Gashyantare 2011


Amazina
E-mail
Igitekerezo
 
 








Copyright © 2015 umurashi.rw | Desinged by Giganet Web Developers.Ltd