Rutahizamu wabiciye bigacika mu ikipe ya rayon sport, akaza kujya gukinira mu gihugu cya Mozambique nyuma yo kuva muri iyi kipe afatiwe ibihano, Hamis Cedric mu masaha macye ashobora kongera kubarizwa mu ikipe ya rayon sport.

 

By Ubwanditsi | Views : 33642 | Kuya 07-22-2016 11:23



Amakuru agera k' Umurashi aturutse ahantu hizewe, aravuga ko Hamis Cedric mu masaha macye ashobora kuba ageze i Kigali ku butumire bw'ikipe ya rayon sport ndetse bakagirana ibiganiro birambuye n'ubuyobozi bw'iyi kipe, ibiganiro byitezweho amasezerano yo kongera gukinira iyi kipe.

Umurundi, Hamis Cedric yazanwe mu Rwanda n'umutoza, Nyakwigendera Jean Marie Ntagwabira wigeze gutoza  Rayon Sport muri 2012 ayikinira imyaka igera kuri 3, ayihesha igikombe cya shampiyona y'igihugu ndetse ayihesha n'itiki yo gukomeza muri kimwe cya kane muri CECAFA Kagame Cup 2013, mu gihe iyi kipe yari yamaze guta icyizere akayitsindira ibitego 3 wenyine bakina n'ikipe ya Ports.

Hamis Cedric yavuye mu Rwanda afatiwe ibihano n'ishyirahamwe ry'umupira w'amaguru mu Rwanda (Ferwafa), byo kumara amezi 6 adakandagira ku bibuga by’umupira w’amaguru mu Rwanda.

        Mu masaha macye,Hamis Cedric ashobora kongera kubarizwa muri Rayon Sport

Nyuma yo guhabwa amafaranga menshi akemera gushyira umukono ku masezerano y’imyaka itatu yo gukinira ikipe ya Clube do Chibuto, Hamis Cedric yerekeje muri Mozambique.

Mu mukino iyi kipe ya Clube do Chibuto yatsinzemo iyitwa Desportivo de Nacal ibitego 4-1, Hamis Cedric yatsinze igitego cya 4.

Amiss Cedric yatangiye gukina, akinira ikipe yitwa Inyange FC mu cyiciro cya 2  mu Burundi , ayivamo aza mu ikipe yitwa Elite FC mu kiciro cya mbere, mbere gato y’uko yerekeza muri Prince Louis muri 2008, ayikinira imyaka 4, aho yavuye yerekeza muri Rayon Sports, aca agahigo ko gutsinda ibitego 16 mu mikino 13 gusa ya shampiyona, muri 2012/2013.


Amazina
E-mail
Igitekerezo
 
 








Copyright © 2015 umurashi.rw | Desinged by Giganet Web Developers.Ltd