Amajana y'abaturage b'abasivile akomeje kugwa mu mirwano y'ibitero bigabwa n'ingabo mpuzamahanga zirimo n'iz'abanyamerika, zishyize hamwe ngo zirwanye abajihadisite ahitwa Mossoul mu gihugu cya Irak.

 

By Mutoni Solange | Views : 3003 | Kuya 03-27-2017 09:36



Babisabwe n'igisirikare cya Irak, ingabo mpuzamahanga zirimo n'iz'abanyamerika zishyize hamwe ngo zirwanye abajihadisite bagendera ku mahame y'idini ya Isiramu, kuya 17 Werurwe 2017, zagabye igitero  muri Mossoul y'iburengerazuba.

Kugera kuri iyi tariki ya 27 Werurwe, harabarurwa abaturage b'inzirakarengane b'abasivili barenga 100 bamaze kugwa muri ibi bitero, benshi basanga baragwiriwe n'inkuta z'amazu, abandi bakaba bakomeje guhunga.

Ku munsi w'ejo ku cyumweru tariki ya 26 werurwe 2017, jenerali Joe Votel, ukuriye ingabo z'Amerika ziri mu burasirazuba bwo hagati, yasohoye itangazo rivuga ko bagiye gushaka uko bamenya imibare nyakuri yabahitanwe n'ibi bitero, kandi bagashakisha uburyo bushya bw'urugamba, abaturage batahasize ubuzima.

Umujyi wa Mossoul utuwe n'abaturage babarurirwa mu 600 000, ukaba amaze igihe warigaruriwe na leta ya kisilamu(IS).

               Abaturage b'abasivili barenga 100 bamaze kugwa mu bitero Mossoul

           Abaturage b'abasivili barenga 180 000 bamaze guhunga imirwano Mossoul


Amazina
E-mail
Igitekerezo
 
 








Copyright © 2015 umurashi.rw | Desinged by Giganet Web Developers.Ltd