Umushumba wa kiriziya gaturika ku isi, Papa François kuri uyu wa gatanu tariki ya 28 mata 2017, aragirira uruzinduko mu gihugu cya Misiri, urugendo ruje rukurikira ibitero 2 byagabwe kuri kiriziya muri uku kwezi.

 

By Muhire Norbert | Views : 3822 | Kuya 04-28-2017 11:11



Uru ruzinduko rwa Papa François mu gihugu cya Misiri, rugamije kongera umubano hagati ya Al-Azhar na Vatican.

Indege itwaye Papa François yahagurutse i Rome mu butaliyani 08h45 GMT( isaha ngengamasaha) igomba kugera i Caire 12h00 GMT mu ruzinduko rw'amasaha agera kuri 27.

Akigera mu Misiri, biteganyijwe ko Papa François ahita abonana na Perezida wa Misiri Abdel Fattah al-Sissi.

Ku mugoroba Papa François arabonana na imam w'umusigiti wa Al-Azhar, Cheikh Ahmed al-Tayeb, umwe mu bayobozi bakuri b'abasilamu b'aba sinite.

Uruzinduko rwa Papa i Cairo rubaye nyuma y'imyaka 10 umubano hagati ya Al-Azhar na Vatican utifashe neza, Papa François akaba arugize ku butumire bwa imam wa Al-Azhar, wamusuye muri gicurasi 2016.

Umubano wa Al-Azhar na Vatican wajemo agatotsi ubwo mu ijambo rye, Papa Benoît XVI yashinjaga ubwicanyi isilamu muri 2006 i Ratisbonne mu budage.

Uru ruzinduko ruje kandi mu gihe kuya 09 mata uyu mwaka, hagabwe ibitero 2 kuri kiriziya bigahitana abantu 45, nyuma bikigambwa na leta ya kisilamu.

                              Papa François yagiriye uruzinduko mu Misiri


Amazina
E-mail
Igitekerezo
 
 








Copyright © 2015 umurashi.rw | Desinged by Giganet Web Developers.Ltd