Nyuma yo kurokoka icuruzwa ry’abantu Karla Jacinto yatangaje ko yafashwe ku ngufu incuro zigera ku bihumbi mirongo ine na bitatu Magana abiri(43,200).

 

By Muhire Norbert | Views : 41958 | Kuya 11-11-2015 14:51



Karla Jacinto umugore ukomoka mu gihugu cya Mexique ari naho yacururijwe ngo akoreshwe imibonano mpuzabitsina nyuma yo kugirana ikiganiro na Televiziyo ya CNN ,yatangaje ko ubwo yakoreshwaga iyo mirimo yakoreshejwe imibonano mpuzabitsina incuro zigera ku bihumbi mirongo ine na bitatu Magana abiri(43,200).

                                                            Karla Jacinto

Karla Jacinto yavuze ko yakoreshwaga imibonano mpuzabitsina incuro mirongo itatu(30)ku munsi,iminsi irindwi y’icyumweru(7),akabikoreshwa mu gihe cy’imyaka ine(4),izo ncuro zose avuga ko yibuka zikagera bihumbi mirongo ine na bitatu Magana abiri(43,200).

Nkuko amakuru ikinyamakuru umurashi.rw gikesha televiziyo ya CNN,umugi wa Mexico ufatwa nk’ihuriro rikorerwamo cyane ubucuruzi bw’abantu bushingiye mu gukoreshwa imibonano mpuzabitsina.

                               Karla Jacinto mu busitani aganira n'itangazamakuru

Muri uyu mujyi wa Mexico kubera ubukene buhagaragara  abangavu baho bajyanwa mu mijyi nka Atlanta na New York ikize bagakoreshwa imibonano mpuzabitsina babacuruza.

Karla Jacinto akaba yabitangaje kuri uyu wa 11 Ugushyingo 2015 avuga ko yafashe ingamba zo kwamagana ubu bucuruzi aho abana b'abakobwa bashorwa mu mibonano mpuzabitsina kandi bakiri na bato.



Amazina
E-mail
Igitekerezo
 
 








Copyright © 2015 umurashi.rw | Desinged by Giganet Web Developers.Ltd