Urukiko rwo mu gihugu cya Mexco  ejo ku Cyumweru taliki ya 27 Nzeri,2015 rwakatiye abagabo batatu  igihano  cyo gufungwa imyaka 520 nyuma yo guhamwa n’icyaha cyo gushimuta  ndetse no kwica  abasore n’inkumi 13 mu mwaka wa 2013.

 

By Ubwanditsi | Views : 10626 | Kuya 09-28-2015 09:35



Abo bagabo ni Ernesto Espinosa ,  José de Jesús Carmonabose bakaba bari ba  nyiri  akabari  kashimutiwemo aba basore n’inkumi  hiyongeraho  Victor Manuel bivugwa ko ari we wabishe nyuma yo kubashimuta ku ya 26 Gicurasi,2013 ubwo bari  baje mu birori byari byabereye muri iyi bara bita Heaven mu gace kazwi cyane kubamo utubari ka  La  Zona Rosa.

Nyuma yo gukora iperereza ryimbitse Urukiko rukaba rwaranzuye ko  uretse  iki gihano cyo gufungwa imyaka 520 aba bagabo hakatiwe , hagomba kwiyongeraho  n’amande  angana  n’Amadolari ya Amerika  298.000 .

Urubuga 7sur7 dukesha iyi nkuru ruvuga ko uretse  ibi byaha byo  gushimuta no kwica  byahamye aba bagabo  hari n’ibindi 12 bashinjwa  kandi  imanza nzabyo ntabwo ziratangira kuburanishwa.

Imirambo y’aba basore n’inkumi ikaba yaratahuwe nyuma y’amezi  3 baburiwe irengero aho babasanze mu cyobo cyihishe  kiri mu murwa Mukuru.

Iperereza kandi rikaba ryaragaragaje ko  ubu bwicanyi bwabaye mu rwego rwo kwihorera  nyuma y’uko umwe mu bacuruzi bakomeye  b’ibiyobyabwenge  muri Mexico yiciwe mu yindi Bara.



Amazina
E-mail
Igitekerezo
 
 








Copyright © 2015 umurashi.rw | Desinged by Giganet Web Developers.Ltd