Umukino waraye ubereye Etihad Stadium aho Manchester City yakiraga Arsenal waje kurangira ManCity ibonye intsinzi y'ibitego 2-1, kuri uyu wa mbere hakaba hateganyijwe undi mukino nawo wa shampiyona y'umupira w'amaguru icyiciro cya mbere mu bwongereza, hagati ya Everton na Liverpool.

 

By Habumugisha Théoneste | Views : 6951 | Kuya 12-19-2016 11:05



Umukino wa Manchester City na Arsenal wabereye Etihad Stadium ku kibuga cya ManCity ku mugoroba wo ku cyumweru tariki ya 18 ukuboza 2016, ukurikirwa n'abantu bagera ku 54409, usifurwa n'umwongereza Martin Atkinson.

Ikipe ya Arsenal niyo yafunguye amazamu ku munota wa 5 ku gitego cyatsinzwe na Theo Walcott.

Manchester City yaje kukigombora ku monota wa 47 gishyizwemo na Leroy Sane, iza kubona n'ikindi ku munota wa 71 kinjijwe neza na Raheem Sterling.

               Leroy Sane wambaye 19 wa ManCity yayitsindiye igitego cya mbere

      Raheem Sterling hagati y'abakinnyi 2 ba Arsenal nyuma yo gutsindira ManCity icya 2

Uku gutsinda kwa ManCity byahise biyicaza ku mwanya wa 2 ku rutonde rw'agateganyo n'amanota 36, aho yahise ikurikira Chelsea ifite amanota 43.

Kuri uyu wa mbere tariki ya 19 harakinwa undi mukino 1 w'umunsi wa 17 wa shampiyona wari usigaye, Everton ikaba iri bwakire Liverpool isa yine z'ijoro (22h00). Liverpool iramutse itsinze irahita ifata umwanya wa 2.

Uko amakipe yose akurikirana muri shampiyona mu bwongereza:


Amazina
E-mail
Igitekerezo
 
 








Copyright © 2015 umurashi.rw | Desinged by Giganet Web Developers.Ltd