Umukino wa 1/2 wabaye ku mugoroba wo kuri uyu wa Gatatu tariki ya 27 mata,Atletico Madrid ku kibuga cyayo muri Espagne yabonye intsinzi nyuma yo gutsinda Bayern Munich yo mu Budage igitego 1 - 0,undi mukino wabaye kuwa kabiri ,ikipe ya  Manchester City yanganyije 0 - 0 na Real Madrid.

 

By Muhire Norbert | Views : 9702 | Kuya 04-27-2016 13:02



Umukino wabaye  ku wa kabiri tariki ya 26 mata 2016 hagati ya Man City na Real Madrid,warangiye nta kipe n'imwe ibashije kubona igitego 0-0,uyu mukino wabereye ku kibuga cya Man City mu bwongereza ahari imbaga y'abafana.

               Amakipe yarasatiranye habura iyatsinda indi

Ku ruhande rwa Man City ari nayo yari yakiriye,kizigenza wayo Yaya Toure ntiyakinnye uyu mukino ndetse na David Silva aza kugira imvune ntiyabasha kuwukomeza.

Ku ruhande rwa Real Madrid,rutahizamu Cristiano Ronaldo ku munota wa nyuma abaganga b'ikipe ye baratunguranye bemeza ko adakina uyu mukino waje kurangira koko adakandagiye mu kibuga nubwo yagaragaraga ku ntebe y'abasimbura.

              Cristiano Ronaldo utarakinnye uyu mukino

Kuri uyu wa gatatu tariki ya 27 mata 2016 isa 20h45 ku isaha y'i Kigali,Atletico Madrid yo muri Espagne yakiriye Bayern Munich yo mu Budage.

        Umukino wa 2 wa 1/2 utegerejwe kuri uyu wa Gatatu

Uyu mukino waje kurangira Atletico Madrid ku kibuga cyayo muri Espagne ibonye intsinzi y'igitego 1 ku 0 bwa  Bayern Munich yo mu Budage ,igitego kimwe rukumbi cyatsinzwe na Saul Niguez ku munota wa 11,uyu mukino ukaba wagaragayemo amakarita y'imihondo 4 ku ruhande rwa Bayern,n'ikarita 1 y'umuhondo ku ruhande rwa Atletico Madrid.


Amazina
E-mail
Igitekerezo
 
 








Copyright © 2015 umurashi.rw | Desinged by Giganet Web Developers.Ltd